Daaneeli 1:6 - Kafa Linguistics Project

⁶ Ebi kaachetinaꞌo daggooch Yihudi yoodoochee tuneti Daaneeli, Hanaaniyi, Mishaꞌeelinaa Azariyaasina beetinaꞌone.

Daaneeli 1:6 ပူးပေါင်းရင်းမြစ်များ

Hiziqeeli 14:14

ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 14:20

Nuggishoo Doono Yeeri ta, beeyecho ta tunoona wogehoye: Noohi, Daaneelinaa Iyoobina arooch beetaanona, boonoshi cadiqoona boonoshi wodiyemmo boonoshi qelloon baachalli boonoshi anaami woyee maache bushiishoon wodiyoon hakkaachemminaꞌone.

Hiziqeeli 28:3

Daaneeliyee beshi ariyecho neene? Neech aacheeti mooyo amolla aalloone getone?

Daaneeli 1:19

Taatoo boonoshi bullina tookkii bi yibbaatehooba, boonoshi bulli daggoochee Daaneelina, Hanaaniyina, Mishaꞌeelinaa Azariyaasina tookkii tateto aalloone. Ebich taatee kexeexi shuunooch giyiyeete.

Daaneeli 2:17

Aroochee Daaneeli kexooch hammii bi nuucheenaꞌo Hanaaniyi, Mishaꞌeelinaa Azariyaasinoyich ebi mooyon gettiye.

Daaneeli 2:25

Ariyooki afaafinoona Daaneelin taatoo waan daammiꞌi, “Ne gumon biichii geton hakkemmi uroon, Yihudee waati keceenaꞌo daggoochee daneto taane” iye.

Daaneeli 5:13

Daaneelin taatoo waan deebiyeete. Taatoo biich ishichiye: “Taatoo ta nihoo Yihudee showoochee keccii deebiti asheenaꞌo daggoochee ikkoo tuneti Daaneeli neene?

Daaneeli 6:14

Taatoo ebin bi waayehooba, oogeton ayiniye. Daaneelin bi wodiyemmi gommon qaawiya gabiye; biin wodiyoyich aabi gimi wottoon qiiccehe.

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Maariqoosi 13:14

“Tunebaani [keemechi Daaneeli gettiti] aalloon deebemmi eeꞌo bi neex bedaani xaaꞌooch neexetaa, beeggemmo ittoshine. (Ebiyooba shemmecho shalligibe.) Arooba Yihudee showooch beetinaꞌo geppoo beetooch maxxebeete.