Daaneeli 1:2 - Kafa Linguistics Project

² Yeeri Yihudee taatoo Yoyaqiimin yaafee kexooch beeti qiiceenaꞌoochee ikkikkeenaꞌona tookkii bi kishooch beshiiꞌi immiye. Biyoo ebi qiiceenaꞌon Baabloon beeti bi nuggishoochi yaafee kexooch daammiye; qiiceenaꞌonoo bi nuggishoochi ginjabeetooch kotiihe.

Daaneeli 1:2 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

Halloo 11:2

Asheenaꞌo aabi-keyo waanee hammiibee, Shinaaree showooch ikke bakkoon daneꞌi, arooch koteheete.

2 Taateenaꞌo 24:1

Yoyaqiimi taatee yemeenooch, Baabloonee taatoo Nabukadinatsori Yihudee showoon kochii yechiye. Yoyaqiimi keejje naton biich bi hajjeetoyee gubb, wochinnoon bi toommooch hukkoon tiijjiye.

2 Kiinoo 36:5

Yoyaqiimi bi taatehooba, bi eeno hiyaa uuche natone. Yerusaalem beechii aaraa ikke naton qeejjiye. Bi Nuggishoo Doono Yeeri aafooch gonde mooyon tuniihe.

2 Kiinoo 36:7

Nabukadinatsori wotta Doono Yeerichi yaafee kechi qiicoochee daammiꞌi, Baabloonee showooch beeti bi taatee kexooch kotiihe.

Iziri 1:7

Wotta taatoo Qiroosi, Nabukadinatsori Yerusaalemee daammiꞌi, bi nuggisheenaꞌo kexooch bi kotiiti, Doono Yeerichi kechi qiiceenaꞌon kichiihe.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 42:24

Yaaqobin boggoyich, Israꞌeelin bokkoyich beshii immito konine? Ebin tuniito Doono Yeeri toone? Ebiyoo, axaaxoon no shuunetoyich, bi daaggoona hamon no qajjetoyich, bi sheeroyichoo deꞌa geto no qajjetoyichiye.

Erimiyaasi 25:1

Yihudee taatoo Yosiyaasichi bushoo Yoyaqiimi taateti awuddinnee natooch, Baabloone taatoo Nabukadinatsori taateti ikkinnee natooch, Yihudee asheenaꞌochon Doono Yeeri taach gettiye.

Erimiyaasi 27:16

Aroochee qeesheenaꞌonaa asho bullinoyich ishichaꞌa getteho: “Doono Yeeri ishichiye: ‘ “Doono Yeerichi yaafee kechi qiico Baabloonee showoochee katinoon wottemmone” iꞌi ittoshich keemmiibeeti ittoshi keemechinaꞌon waayeyaahote; ebi boonoshi keemmiibeeto kootoone.

Erimiyaasi 28:3

Baabloonee taatoo Nabukadinatsori hini xaaꞌoochee Baabloonee showooch daammiti Doono Yeerichi yaafee kechi qiicoon gutte nati daggooch hini xaaꞌooch wochemmo taane.

Erimiyaasi 35:11

Tunebaani Baabloonee taatoo Nabukadinatsori showoon koyooch bi waahooba, ‘Baabloonee ginee naayinaꞌonaa Sooriyee ginee naayinaꞌonochi naboyich ittoshi waataa Yerusaalemi hambone’ iyone; ebina Yerusaalem kotehone” iyeete.

Erimiyaasi 50:2

“Aageteenaꞌo daggooch getote! Awaajjibote, baanderoon tiijji awaajjibote! Aachiyaahote, ishichibote: ‘Baabloonee showoo yechetone; Beeli yeelletone; Merodaaki keqqitone; bi misileenaꞌo yeelletinaꞌone; bi shahalleenaꞌo keqqiteete’ getote.

Erimiyaasi 51:44

Baabloonee nuggishoo Beelin naxemmo taane; bi qooxxiton aaphiyemmo taane; ebiyee bekk aageteenaꞌo arooch oriheyaachemminaꞌone. Baablooni xaqqee uxeroo dihemmone.

Daaneeli 5:13

Daaneelin taatoo waan deebiyeete. Taatoo biich ishichiye: “Taatoo ta nihoo Yihudee showoochee keccii deebiti asheenaꞌo daggoochee ikkoo tuneti Daaneeli neene?

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Imbaaqoomi 1:16

Boonoshi dabbeenaꞌo mashaamiti beemon boonoshi beeyemmonaa shaawi maayoon boonoshi maayemmonoyich boonoshi tuniitoyich, ebi dabbeenaꞌoyich deejjoon deejjiyeete; ixaanoonoo shookkiyeete.

Zakaariyaasi 5:11

Biyoo taach, “Kexon biich hagga Baabloonee showoochiye boonoshi daammiibeeto. Kexo hagaa qannitoyee gubb mokkoon arooch kotiyemminaꞌone” iꞌi taach wochiye.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.

Woraaferasheenaꞌo 3:8

Ebich Doono Yeerichi kaaro Israꞌeeleenaꞌo toommooch cufiye. Biyoo boonoshin Mesopotaamee taatoo Kushaan Rishatayimichi kishooch beshiiꞌi immiye. Israꞌeeleenaꞌo shimitte naton biich hajjeeheete.

Woraaferasheenaꞌo 4:2

Ebich Doono Yeeri boonoshin Hatsoori katemoochaa tuneꞌi qeejjiibeeti Kanaanee taatoo Yabiinichi kishooch beshiiꞌi immiye. Yabiinichi ginee iraashoo, bi beeyi xaaꞌoon Harosheet Hagoyimi katemooch tuniiti Siseerine.

1 Saameeli 5:2

Boonoshiyoo Yeerichi taabootoon daammiꞌi, boonoshi nuggishoo Daagoonichi yaafee kexooch geddiyeete; Daagooni gaꞌoochoo kotiiheete.