Daaneeli 1:19 - Kafa Linguistics Project

¹⁹ Taatoo boonoshi bullina tookkii bi yibbaatehooba, boonoshi bulli daggoochee Daaneelina, Hanaaniyina, Mishaꞌeelinaa Azariyaasina tookkii tateto aalloone. Ebich taatee kexeexi shuunooch giyiyeete.

Daaneeli 1:19 ပူးပေါင်းရင်းမြစ်များ

Halloo 41:46

Yooseefi Gibitsee taatoo aafooch neexeꞌi maddooch bi giyiyooba, shaashe nati ashoone. Yooseefi Farooni aafoochee kechiꞌi, Gibitsee showoo bullin guuddiye.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

Shaahiyoo 22:29

Bi shuunoona qoppechi ashoon beeggetine? Aroo taateenaꞌo aafooch neexemmone; shigaalli asheenaꞌo aafooch neexeyaachemmone.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Daaneeli 1:18

Taatoo taajjeti keejje nato shaggiyooba, taatee kechi iraashoo gurimaasheenaꞌo bullin taatoo Nabukadinatsor waan daammiye.

Daaneeli 1:4

Bi kaaccemmo, taatee kexooch giyiꞌi maddee hakkoo boonoshich bi beeyemmoyich, boonoshi ashittinee quumo iiweenaꞌon, mallet gaaweenaꞌon, ariyechinaꞌon, yiiteenaꞌonaa mooyon kaatee yechii deqqii beetinaꞌona tuneti gurimaasheenaꞌoniye. Eboshin kaaciree, Baabloonee noonoon, wotta kooreeti mooyonoo bi dojjemmoyich gettiye.

Daaneeli 1:5

Taatoo wotta boonoshi maayemmi maayoonaa boonoshi uchemmi woyinee uyoona qemi qemona bi madoochee boonoshich bi ichemmoyich tuniihe. Boonoshiyoo keejje naton boonoshi doyitoyee gubb, taatee kexeexi shuunooch giyemminaꞌone.

Daaneeli 1:6

Ebi kaachetinaꞌo daggooch Yihudi yoodoochee tuneti Daaneeli, Hanaaniyi, Mishaꞌeelinaa Azariyaasina beetinaꞌone.

Daaneeli 1:7

Taatee kechi iraashoo boonoshich bare shigoon shigiihe; Daaneelin Belxesoori, Hanaaniyin Sidiraaqi, Mishaꞌeelin Misaaqi, Azariyaasinoo Abidinagi, iꞌi shigiihe.

Daaneeli 2:13

Ebich yiiteenaꞌo bulli qitemmoyich awaajjo kechiye. Daaneelinaa bi nuucheenaꞌononoo wuxiya qaawiyeete.

Daaneeli 3:29

“Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.