Daaneeli 1:17 - Kafa Linguistics Project

¹⁷ Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Daaneeli 1:17 ပူးပေါင်းရင်းမြစ်များ

1 Taateenaꞌo 3:12

ne echetoommon tuniyemmo taane. Ebiyee aaf konichona aalli, wotta ebiyee gubb koniyoona daneyaachemmi ariyoonaa shalligechi mulloonon neech immemmo taane.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

2 Kiinoo 1:10

Hini asheenaꞌon qeejjoo ta hakkemmoyich shalligoonaa ariyoonon taach imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

2 Kiinoo 1:12

ebi ne qolleti shalligoonaa ariyoonon neech immemmo taane. Neyee aaf taateti taateenaꞌoochee konichona aalli, neyee gubb taatemmi taateenaꞌoochee koniyoona daneyaachemmi gaannoon, gijjoonaa oogoonon neech immemmo taane” iye.

2 Kiinoo 26:5

Yeerin shaton biich dojjiti Zakaariyaasi kashoona beeti yemeenooch Yeerich gibeneeton tunehe. Doono Yeerich gibeneeton bi tunetooba, Yeeri mooyon biich mashaamiihe.

Iyoobi 32:8

Tunebaani ashi toommooch beeti ayaano, Beshe Hakkechi Yeeri kachiti kasho, ashoon gabecho tunii beetone.

Shaahiyoo 2:6

Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye.

Dojjecho 2:26

Biin emirikkiibeeti ashoyich Yeeri shalligoon, ariyoonaa emiroonon immiye; tunebaani Yeeri biin shattii beetoyich bi immemmoyich, aajjiꞌi gaannoon kicoon axaaxechoyich immiye; ebiyoo duubo, yongoon yookkii dabboommone.

Isiyaasi 28:26

Bi Nuggishoo biin bi dojjitoyich tate mooyon arii beetone.

Hiziqeeli 28:3

Daaneeliyee beshi ariyecho neene? Neech aacheeti mooyo amolla aalloone getone?

Daaneeli 1:18

Taatoo taajjeti keejje nato shaggiyooba, taatee kechi iraashoo gurimaasheenaꞌo bullin taatoo Nabukadinatsor waan daammiye.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Daaneeli 1:4

Bi kaaccemmo, taatee kexooch giyiꞌi maddee hakkoo boonoshich bi beeyemmoyich, boonoshi ashittinee quumo iiweenaꞌon, mallet gaaweenaꞌon, ariyechinaꞌon, yiiteenaꞌonaa mooyon kaatee yechii deqqii beetinaꞌona tuneti gurimaasheenaꞌoniye. Eboshin kaaciree, Baabloonee noonoon, wotta kooreeti mooyonoo bi dojjemmoyich gettiye.

Daaneeli 10:1

Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 2:19

Aroobee xum ebi aacheeti mooyo yaaꞌoona Daaneelich bekkehe. Biyoo shimaajji Nuggishoon galletehe;

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 2:23

Ta qaabbechinaꞌochi Nuggishoocho, neen galletoye; neen oogiihoye. Newoo taach shalligoonaa giidoonon immeto neene; neen no qolleti mooyon taach arichiito neene; taatoyich no wochemmi mooyon nooch arichiito neene” iye.

Daaneeli 2:30

Ebi aacheeti mooyo taach gaxxeeꞌi bi bekketo, ashoyee beshe shalligecho ta tunetoyich tuneyaanoon, ne gumo ama geto gaata ne ariyemmoyich, wotta ebi wochii wochii ne gabiibeeti mooyonoo ne ariyemmoyichiye.

Daaneeli 4:6

Ebich Baabloon beeti yiiteenaꞌo bulli ta waan waaree, ebi gumon biishiree boonoshi gettemmoyich, gettoye.

Daaneeli 5:14

Yaafe nuggisheenaꞌochi ayaano ne toommooch bi beemon, yaaꞌecho, ariyechonaa shalligechona ne tunoonoo waayeto taane.

Daaneeli 7:1

Baabloonee taatoo Belshasoori taateti ikkinnee natooba, ta, Daaneeli, ta qeenooch qeyaabee gumon gummeho; yaaꞌoonoo beeggeho. Ebi ta beeggeti gumi aafechi mooyon ishichaꞌa kooriyoye: Showee awudde kelloona waati shimaajji yongo ooge baharoon bi shuurikkii beetaa, yaaꞌoona xum beeggeho.

Daaneeli 8:1

Taatoo Belshasoori taateti keejjinnee natooba, shiichaa ta beeggeti yaaꞌoyee gubb, ta, Daaneeli, bare yaaꞌoon beeggeho.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Mishiraachechinaꞌo 6:10

Tunetaa bi gettiibeeti ariyoonaa Ayaanoonon habbiyoon hakkaaneenaꞌone.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

Mishiraachechinaꞌo 7:22

Ebich Gibitseenaꞌo Muusich boonoshi ariyoo bullin dojjiyeete; aroo bi yibbaatoonaa bi shuunoo bullina giidechi asho tunehe.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.