Asteeri 9:22 - Kafa Linguistics Project

²² Boonoshi baaremmi naboo, Ayihudeenaꞌo boonoshi etteenaꞌo waanee boonoshi kasheti aabo, boonoshi ayinoo emiroona, boonoshi eefoo emiree baaroona bi shaddeeti aabo bi tunetoyichiye. Ebi aaboonoo emiree aaboonaa baaree aaboonon tuniiree, boonoshinaa boonoshina ikkoo baroyich maayoon imibee bi baaremmoyich, wotta girechinaꞌoyich maayoon imibee boonoshi baaremmoyich gettiye.

Asteeri 9:22 ပူးပေါင်းရင်းမြစ်များ

Asteeri 9:19

Ebina xaqqee uxeraalli gafooch beeti Ayihudeenaꞌo Adaari agenee aaraa awuddinnee qemon gifiroon geddiꞌi emiree baaroon baarii beetinaꞌone; ebi aabo asheenaꞌo boonoshinaa boonoshina ikkoo baroyich maayoon immiibee boonoshi baariibeeti baaroone.

Asteeri 9:21

Bi daachiito, Adaari agenee aaraa awuddinnee qemonaa aaraa uuchinnee qemonon nati natona boonoshi baaremmoyich tuniyoyichiye.

Asteeri 9:23

Ayihudeenaꞌo bullichi etto, Agaagi yaroochee tuneti Hamedaati bushoo Hamaani Ayihudeenaꞌon aalliyoyich koceetone; wuxii aalliyoyicha iꞌi Fuuri boonoshi ii beeti ixoon duppitone. Tunebaani Asteeri taatoo waan giddahan; taatoo bi getoon kooriꞌi imaa, Hamaani Ayihudeenaꞌon aalliyoyich bi gabiti gonde gaboo bi toommooch wottehe; biinnaa bi anaami bushiisheenaꞌona giimbooch yooddeheete. Ebich Ayihudeenaꞌo Mordokiyoosi boonoshich kooriton ceechooch giyiyeete; ebi baaroon kuxaanoon nati natona baaroyich maacciyeete.

Shoddo 103:2

Ta kasheene, Doono Yeerin diiribe! Bi gaacoonoo batteyaahine.

Shoddo 149:7

Ebina aageteenaꞌo toommooch nichoo kichemminaꞌone; macceenaꞌonoo sheeremminaꞌone.

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Shoddo 30:12

Ta kashe cikkaanoon neen bi galletaabeeto ebichiye; ta Nuggishoo Doono Yeero, bulli yemeenoon galletoon neech giddiyemmo taane.

Shoddo 37:15

Tunebaani boonoshi goraado boonoshi mullooch kochemmone; boonoshi maꞌo tiishemmone.

Isiyaasi 14:3

Doono Yeeri shooddoochee, xuuxoonaa ne beeti qaaꞌi guuchittinonoochee neen bi kashiihooba,

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Galaati 2:10

Boonoshiyoo girechinaꞌon baach no batteyaachemmoyich aderaheete. Ebinoo tuniyoyich qaawaa beehoye.

Yibbaatoo 15:7

“Ne Nuggishoo Doono Yeeri neech immiibeeti showooch beeti katemoochee aabiichona girechi Israꞌeelee asho tuneti ne manoo bi beegaata, biich maacoon manjiyaahine. Biin gaachoochee ne kishoon gubb wochiyaahine.

Yibbaatoo 16:14

Ebi baaroona ne, ne anaami bushiishoonaa ne maache bushiishoona, ne guuninaꞌonaa ne gonneenaꞌona, Lewee asheenaꞌonaa shiqqeenaꞌona, nihaalleenaꞌonaa ne beeti katemeexi xuumeenaꞌona emiribote.

Yibbaatoo 16:15

Ne Nuggishoo Doono Yeeri ne gocheti maayoonaa ne kishoona ne shuunaabeeti mooyo bullina neen diiremmo bi tunetoyich, ne Nuggishoo Yeeri kaacciti xaaꞌoochaa shabaatte qemi wottoon baaroon baaribe. Ebina newoo oogichi emiremmo neene.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

1 Saameeli 25:8

Ne asheenaꞌon eche waayebe; ebi iberoo bi tunoon boonoshi neech gettemminaꞌone. Illa and gifiroon ne geddeti aaboon ne waan no waatoyich, ebi ta asheenaꞌo ne aafoochaa gidoon danebeete. Ne bushoo Daawiti, taannaa ne guuninaꞌonoyich ne kishooch beemmon ne immemmoyich neen qollaabeeto taane’ itone getote” iye.