Asteeri 7:8 - Kafa Linguistics Project

⁸ Taatoo becheeti mixo beeti, taatee kechi addibaaboochee, uyo ucheebeeti kexooch bi wottemmona, Hamaani Asteeri beeti qeenooch dihiꞌi beehe. Taatoo “Halla hini uro gennee abeetin ta kexoochaa, ta ciini beetaa, yecha ii beete!” iꞌi bi toommooch cookiye. Ebi bi noonoochee kechimmona, bekkech guruusheenaꞌo Hamaani aafoon kaappiyeete.

Asteeri 7:8 ပူးပေါင်းရင်းမြစ်များ

Asteeri 1:5

Aroyee gubb taatoo inde katemoo tuneti Suusi daggooch beeti asho bullich, gaannechonaa girechonon bariyaanoon, bi guudoona becheeti mixinaꞌo beeti, taatee kechi addibaabooch shabaatte qemi gifiroon geddiye.

Asteeri 1:6

Ebi addibaabooch huuttoochee shuuneeti, naccoonaa shimaayitoona tuneti maccillaatoo tippetone; bi tippeto, muttee tuppoochee yokketaa shuuneeti, bi cillooch birewee qalibeto yesheti, damere woderoona nacce xaqqoochee shuuneeti giimboochiye. Naccoonaa ceelloonon tuneti xaqqoona, wotta inqoonaa aaxxe xaqqoona shashiitaa shuuneeti godooch aachoonaa birewoonoochee shuuneeti qeeninaꞌo beetinaꞌone.

Asteeri 6:12

Aroochee Mordokiyoosi taatee kechi uxeree kellooch wottehe; tunebaani Hamaani yeelloona bi aafoon kaappiꞌi bi kexooch afaafinoona hammiye.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Iyoobi 9:24

Showoo gonde asheenaꞌo kishooch beshiitaa bi ichee beetaa, bi nallechinaꞌo aafoon wolliihe. Ebin tuniito Yeeri tuno qayigaata, ishigaata konine?

Isiyaasi 22:17

Hini beelle uroocho, Doono Yeeri neen kaama tiijjiree, curullii awuremmone.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Amootsi 3:12

Doono Yeeri ishichiye: “Shamaara beeti Israꞌeeleenaꞌochi wodoo bi tunemmo, qiddoo daaheroochi kookkoochee bi bagoochi gutte baatee shaawushoon woyee waamon dichiiꞌi bi deeboommoniye. Boonoshi qeechi degoonaa teeqqonoyee besh boonoshich echemmi mooyo amolla daneyaachemmone.

Maariqoosi 14:65

Boonoshi daggoochee ikkikkeenaꞌo bi toommooch cuddiyeete; bi aafoon kaappiichii xoobbiibee, “Konine neen xoobbito? Eke keemecho ne gaata gete” iyeete. Aree hillooch kellechinaꞌo tappeebee daammiyeete.