Asteeri 7:7 - Kafa Linguistics Project

⁷ Taatoo ippoona tiyiye; gifiroon qajjiꞌi becheeti mixo beeti taatee kechi addibaabooch hammiye. Tunebaani Hamaani taatoo waanee gonde mooyo biich gabeeto bi tunoon ariiꞌi, gennee abeeti Asteeri bi kashoon bi wodiyemmoyich qolleya, arooch echehe.

Asteeri 7:7 ပူးပေါင်းရင်းမြစ်များ

Asteeri 1:12

Aafee bushiisheenaꞌo taatoochi wochoon gennee abeeti Ashixiinich getaa, “Waataache” iyaꞌa qajjahan. Ebi mooyo taatoon oogichiꞌi ippiihe; biyoo oogeton kaarehe.

Asteeri 1:5

Aroyee gubb taatoo inde katemoo tuneti Suusi daggooch beeti asho bullich, gaannechonaa girechonon bariyaanoon, bi guudoona becheeti mixinaꞌo beeti, taatee kechi addibaabooch shabaatte qemi gifiroon geddiye.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Shoddo 112:10

Gonde asho ebin beegiree ippemmone; gasho shaaccemmone; muuyishoo gettemmone; gondeenaꞌochi qaatoo duubemmone.

Shaahiyoo 14:19

Gondeenaꞌo deꞌeenaꞌo aafooch, axaaxechinaꞌoo cadiqeenaꞌo kellooch, goyinneheete.

Shaahiyoo 14:35

Mullechi maddechon taatoo shunniye; tunebaani yeelliibeeti maddechon taatoo kaarehe.

Shaahiyoo 16:14

Taatoochi kaaro qitee wochee bushoommone; tunebaani mullechi asho ebi kaaroon aqqiihe.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Daaneeli 3:19

Aroochee Nabukadinatsori Sidiraaqi, Misaaqinaa Abidinaginochi toommooch oogeton ippee shinehe; bi aafoo aaqqiye. Ebi qaaqqee sheelloo bi gaamooch shabaatte kishoon daakkiree bi gaamemmoyich bi asheenaꞌoyich gettiye.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

1 Saameeli 20:7

Tunebe, bi getigaata, ne guuno taach gaawetone getone. Tunebaani bi ippegaata, ta toommooch gondoon bi gaboon ariyemmo neene.

1 Saameeli 20:9

Yonaataaniyoo “Yeeri ebin ne waanee wokkiibe; ta nihoo ne toommooch gondoon shuuneya bi gaboon ta ariito gaata, neech getaacheshote?” iye.

1 Saameeli 25:17

Illa and, ebin ariiree ne tuniyemmon tuniibe. Gonde mooyo no doononaa bi kechi asheenaꞌo bullinochi toommooch gabeetone. Bi gaata, gonde asho bi tunetoyich, biich gettemmo koniyoona aalloone” iye.