Asteeri 7:10 - Kafa Linguistics Project

¹⁰ Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Asteeri 7:10 ပူးပေါင်းရင်းမြစ်များ

Halloo 40:22

Tunebaani kochi kachiyechinaꞌochi ukkiroon yooddiye. Boonoshi gumo Yooseefi biichitoommon tunehe.

Asteeri 2:1

Ebi mooyo tunetoyee gubb, taatoo Yekisesichi ippo beshemmona, Ashixiinin, bi tuniiti mooyonaa bi naboona kechiti awaajjoonon shalligii beehe.

Asteeri 5:14

Arooba bi mechee Zereeshinaa bi shunechinaꞌo bullina ishichiyeete: “Aache hira bede giimboon xogiichi, Mordokiyoosin arooch bi yooddiyemmoyich yaach maaddoona taatoon echebe; aroochee emiribee taatoona tookki gifirooch gibe” iyeete. Ebi mooyo Hamaanin emirikkiye; biyoo giimboon qanniihe.

Asteeri 7:7

Taatoo ippoona tiyiye; gifiroon qajjiꞌi becheeti mixo beeti taatee kechi addibaabooch hammiye. Tunebaani Hamaani taatoo waanee gonde mooyo biich gabeeto bi tunoon ariiꞌi, gennee abeeti Asteeri bi kashoon bi wodiyemmoyich qolleya, arooch echehe.

Asteeri 7:8

Taatoo becheeti mixo beeti, taatee kechi addibaaboochee, uyo ucheebeeti kexooch bi wottemmona, Hamaani Asteeri beeti qeenooch dihiꞌi beehe. Taatoo “Halla hini uro gennee abeetin ta kexoochaa, ta ciini beetaa, yecha ii beete!” iꞌi bi toommooch cookiye. Ebi bi noonoochee kechimmona, bekkech guruusheenaꞌo Hamaani aafoon kaappiyeete.

Asteeri 8:7

Aroochee taatoo Yekisesi gennee abeeti Asteerinaa Ayihudo Mordokiyoosinoyich ishichiye: “Ebiyoche, Hamaani Ayihudeenaꞌon wuxiya bi koceetoyich, giimbooch yoodaa qititone; biicho tuneto bullinoo Asteerich immeto taane.

Asteeri 9:14

Taatoo ebi tunemmoyich gettiye; awaajjo Suusaa getteehe. Hamaanichi aashire anaami bushiisheenaꞌo dubeno yooddehe.

Iyoobi 18:8

Bi hajjee baatoona dabbooch giyemmone; bi baatoo arooch yechemmone.

Iyoobi 20:8

Gumo aallo aallemmone; daneshoo getaachemmone; xum bekkeebeeti yaaꞌoochoommon maxxemmone.

Shoddo 37:15

Tunebaani boonoshi goraado boonoshi mullooch kochemmone; boonoshi maꞌo tiishemmone.

Shoddo 7:16

Bi maroo bi toommooch wottemmone; bi xuꞌo wochi bi shimbooch kindemmone.

Shoddo 94:23

Boonoshi gondoyich boonoshin naxemmone; boonoshi gondoona boonoshin hidi aalliyemmone; Doono Yeeri no Nuggishoo boonoshin aalliyemmone.

Shaahiyoo 11:27

Gaawe mooyon kupphii qaawiibeeto, gaawe mooyon danehe; gonde mooyon qaawiibeeto gonde mooyon danehe.

Shaahiyoo 11:8

Cadiqo bi xuuxoochee wodemmone; ebi xuuxo gonde ashi toommooch shaggemmone.

Shaahiyoo 26:27

Oppoon iijjiibeeto arooch dihemmone; xaqqoon gederikkiibeeto toommooch are xaqqo wottemmone.

Erimiyaasi 34:17

“Ebich Doono Yeeri ta ishichiyoye: Asho bi ikkikkoona bi manoonaa bi xiboonon, gawukkoyich awaajjoo bi qajjitoyich, taach deꞌa getaano ittoshine; ebichoo ta, goraadoon, biiyoonaa shaacoonon ittoshi toommooch awaajjemmo taane. Ittoshi toommooch shaggiti mooyona showee toommeexi taatittino bulli keqqemmoyich tuniyemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Daaneeli 6:24

Aroochee Daaneelin taggeti asheenaꞌo bullin, boonoshi mecheenaꞌonaa boonoshi bushiisheenaꞌona tookki daahereenaꞌochi oppooch boonoshi duppemmoyich taatoo getaa, deebii duppiyeete. Ebi asheenaꞌo batt oppee dechi duchooch boonoshi shagaan beetaa, daahereenaꞌo yechii, boonoshi shaawushoon tiichiꞌi, billbillayii maaheete.

Daaneeli 6:25

Aroyee gubb, taatoo Daariyoosi showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich ishichiꞌi kooriye: “Diggoo ittoshich tunebe!

Zakaariyaasi 6:8

Ebiyee gubb maraakoo “Dambi-waani showooch hammiti haresheenaꞌo Doono Yeeri kaaro aqqemmoyich tuniitinaꞌone” iꞌi ta waan cookiye.

Woraaferasheenaꞌo 15:7

Samsooniyoo “Ittoshi ebin tuniito ittoshine; illa ittoshi toommooch nichoon kichaanoon kasheyaache” iꞌi wogehe.