Asteeri 6:1 - Kafa Linguistics Project

¹ Aroobee xum taatoon tokketoo qajjiye; ebich taatee showooch tuneti, batteya bedaani mooyo kooreebeeti kiinee macaafoon deebi boonoshi shemmemmoyich gettiye.

Asteeri 6:1 ပူးပေါင်းရင်းမြစ်များ

Halloo 22:14

Ebich Abrahami ebi xaaꞌoon “Doono Yeeri qanniyemmone” ii shigiihe. Hanaach beddaahaa, “Doono Yeerichi guudi toommoochaa qannemmone” getteehe.

Asteeri 10:2

Bi giidoonaa bi hakkoona bi tuniiti mooyo bullinaa ebiyoommon wotta Mordokiyoosin beshiti oogooch bi bechoon gettiibeeti mooyona, Meedee showoonaa Faariisee showoonochi taateenaꞌo kiinee macaafooch kooreetone.

Asteeri 2:21

Mordokiyoosi taatee kechi uxeree kellooch kotee bi beehooba, taatoochi qemi kexooch giijjiibeeti kelloon quyeebeeti gutte guruusheenaꞌo, Bigitaaninaa Tereeshina taatoo Yekisesi toommooch ippeꞌi biin wuxiya koceeheete.

Asteeri 2:22

Mordokiyoosiyoo ebi mooyon waayeꞌi hammii, gennee abeeti Asteerich gettiye; biyoo Mordokiyoosi shigoona taatoo Yekisesich gettahan.

Asteeri 2:23

Mooyo xiisheyemmon tuniitaa, iberoo tuneꞌi danehe. Ebi gutte asheenaꞌo giimbooch yoodaa qitiyeete. Ebi mooyo taatoo aafoochaa taatee showeexi kiinoo kooreebeeti macaafooch kooreehe.

Asteeri 5:8

Taatoocho, ne aafoochaa gidoon daneti ta tunegaata, ta qaawaa beeton imonaa ta qolloon waayoonoyich taanna emirito ne tunegaata, neennaa Hamaanina ta qanniyemmi gifirooch yaach wobote; aroochaa neech ta qaawaa beeton gettemmi taane” iyan.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Daaneeli 2:1

Nabukadinatsori bi taateti guttinnee natooba, gumon gummiye. Ebi gumo biin oogeton bi keqqichitoyich, tokketoo bi aafoochee aallehe.

Daaneeli 6:18

Aroochee taatoo wotteꞌi bi taatee kexooch hammiye. Aroobee xum maayoon maataanoon, bi ashittinoonoo emirikkemmi mooyon tuniyaanoon qeyiye. Tokketoo bi aafoochee aallehe.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.