Asteeri 5:9 - Kafa Linguistics Project

⁹ Arooba Hamaani bi mulloona emiriibee, emiroonoo wucwucciibee kechiye. Tunebaani taatee kechi uxeree kellooch beeti Mordokiyoosi biich tiyaano, biin oogiyee malletoonoo amoonolla bekkiyaano bi tunoon bi beeggiyooba, oogeton ippehe.

Asteeri 5:9 ပူးပေါင်းရင်းမြစ်များ

1 Taateenaꞌo 21:4

Yezireelee asho Nabooti, “Ta qaabbechinaꞌo waanee ta woraashiti showoon neech imaache” bi itoyich, Akaabi ippee kaareꞌi bi kexooch hammiye; bi aafoon daabbo waan wochiꞌi, bi qeenooch teeqqehe; maayoonoo mahehe.

1 Taateenaꞌo 21:6

Biyoo areyich “Yezireelee asho Nabootin ‘Ne woyinee budon gijjoona taach kembe; woyee ne qaawigaata, bi keroon bare woyinee budon neech imbona’ iyo. Tunebaani bi, ‘Ta woyinee budon imaache’ iꞌi taach bajjiye” iye.

Asteeri 2:19

Gidiide bushiisheenaꞌo guttinnoon kiceehooba, Mordokiyoosi taatee kechi uxeree kellooch kotee beetone.

Asteeri 3:2

Taatee kechi uxeree kellooch beeti ukkireenaꞌo bulli showooch yitiree Hamaanich boonoshi goyinnemmoyich gettitone. Boonoshi bulli ebin tunii beeheete; tunebaani Mordokiyoosi showooch dihiꞌi biich goyinnemmon qajjiye.

Asteeri 3:5

Hamaaniyoo Mordokiyoosi biich yittiꞌi goyinnee qayon beeggiꞌi, oogichii ippehe.

Asteeri 5:13

Tunebaani Ayihudo Mordokiyoosin taatee kechi uxeree kellooch kote bi beetaa bulli aaboon ta ciini beeyemmo bi tunegaata, ebi bulli taach amoon halleshe” iye.

Iyoobi 20:5

Gonde asheenaꞌochi coodo am bedaano bi tunoon, Yeerich qeyaani ashi emiroo qillifee yexx bedaano bi tunoon, ariyaachine?

Iyoobi 31:31

Ta kexooch beeti asheenaꞌo, ‘Iyoobi kexoochee meenon maa miyaano konine?’ ii beetinaꞌone.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 27:3

Meeti ginee naayo taan bi giichitaanona ta mullo shataache; koyo ta toommooch bi tiyitaanona, Yeerin gibenehoye.

Daaneeli 3:13

Ebich taatoo Nabukadinatsori oogeti ippoona Sidiraaqin, Misaaqinaa Abidinaginon deebi bi aafooch boonoshi neechemmoyich tuniihe.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Luqaasi 6:25

And michii beetinaꞌote, gubb shacemmo ittoshi tunetoyich, ittoshich woowo! And miiccii beetinaꞌote, gubb tuumi eeppemmoo ittoshi tunetoyich, ittoshich woowo!

Yowannisi 16:20

Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Mishiraachechinaꞌo 7:54

Ayihudee nallechinaꞌo ishin waayee, oogichii ippeꞌi boonoshi gashoon shaacciyeete.

Yaaqobi 4:9

Tuumiree oogichi ayinibote; eefote. Ittoshi miico oogeti ayinooch, ittoshi emiroo tuumooch shaddeebe.