Asteeri 5:14 - Kafa Linguistics Project

¹⁴ Arooba bi mechee Zereeshinaa bi shunechinaꞌo bullina ishichiyeete: “Aache hira bede giimboon xogiichi, Mordokiyoosin arooch bi yooddiyemmoyich yaach maaddoona taatoon echebe; aroochee emiribee taatoona tookki gifirooch gibe” iyeete. Ebi mooyo Hamaanin emirikkiye; biyoo giimboon qanniihe.

Asteeri 5:14 ပူးပေါင်းရင်းမြစ်များ

2 Saameeli 16:21

Akixofeeliyoo Abisoloomich ishichiye: “Taatee kexon boonoshi quyemmoyich echiichii bi hammiti, ne nihoochi naamacheenaꞌo waan giyiree boonoshin qebe. Ebina ne nihoona tookkaa ciroona kuxeto ne tunoon Israꞌeeleenaꞌo bulli waayemminaꞌone. Neenna tookkii beeti asheenaꞌochi mochoo kupphemmone” iye.

1 Taateenaꞌo 21:25

Bi mechee Elizabeeli biin shuurikkaa, Doono Yeeri aafooch gonde mooyon shuunoyich bi qelloon kemmiti, Akaabiyoommi asho aalloone.

1 Taateenaꞌo 21:7

Bi mechee Elizabeeli biich, “Ebi neene, Israꞌeelee showoon qeejjemmo? Tiyiree maayoon mame; ne mulloo emiribe; Yezireelee asho Nabootichi woyinee budon ta, neech immemmi taane” iyan.

Asteeri 6:4

Taatoo “Taatee kexooch beeto, konine?” iꞌi echehe. Areegaata Hamaani bi qanniiti giimbooch Mordokiyoosin yooddiyoyich taatoon daaggiiya taatee kexoyee maach beeti addibaabooch batt shaggitone.

Shoddo 37:14

Gondeenaꞌo, girechonaa amaalli hulloonon wuxoyich, gaawe boochechinaꞌon guuroyich, boonoshi goraadoon kaacciyeete; maꞌoonoo yeepphiyeete.

Shoddo 37:32

Gonde asho cadiqoon hillee dabbiye; biin wuxiya qaawiye.

Shoddo 9:15

Aageteenaꞌo boonoshi iijjiti oppooch dihiyeete; boonoshi olleti ollooch boonoshi baatoo yechehe.

Shaahiyoo 1:18

Ebi asheenaꞌo boonoshi ottiibeeto, boonoshi damee toommoochiye; boonoshi olleebeetoo boonoshi kashee toommoochiye.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 3:15

Boonoshi baatoo ashi damoon ukkoyich afaafinee beetone;

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.