Asteeri 4:14 - Kafa Linguistics Project

¹⁴ Ebiyoommi aabooba ne cikkii qayigaata, Ayihudeenaꞌoyich gaachoonaa wodoona bare xaaꞌoochee woyemmone; tunebaani neennaa ne nihoochi kechi asheenaꞌona aallemmo ittoshine. Ne, gennee abeeti tunoyich ne beddeto, diqqich ebiyoobee aaboyich gaata, koni ariihe?” iye.

Asteeri 4:14 ပူးပေါင်းရင်းမြစ်များ

Halloo 22:14

Ebich Abrahami ebi xaaꞌoon “Doono Yeeri qanniyemmone” ii shigiihe. Hanaach beddaahaa, “Doono Yeerichi guudi toommoochaa qannemmone” getteehe.

2 Taateenaꞌo 13:5

Israꞌeeleenaꞌon wodiyemmi ashoon boonoshich immiye. Ebina boonoshiyoo Sooriyeenaꞌo kishoochee wodiyeete. Israꞌeeleenaꞌoo aafichoommon diggoona boonoshi kexi kexooch koteheete.

2 Taateenaꞌo 19:3

Boonoshiyoo hammiꞌi, Isiyaasich, “Hiziqiyaasi ishichiye: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa agaatoyich hakkoo guuteeti maacheen shaahito noone.

Iziri 9:9

No Nuggishoo Yeero, guuno no tunetaanoona, are guuchittinooch noon qayaano neene; Faariisee taateenaꞌo aafoochaa ne ariqqoon nooch bekkiito neene; ebich boonoshiyoo ne yaafee kexon no haggemmoyich, happeeton wochinnoon no shuunemmoyich, daaggitinaꞌone; ebina no kasheen andiriitinaꞌone; Yihudee showoonaa Yerusaaleminoochoo deebee uxeroon nooch immitinaꞌone.

Nehimi 6:11

Tunebaani ta “Taanoommi asho aash beddiye? Taanoommi asho bi kashoon wodiyoyich yaafee kexooch giyi beddiye? Ta giyaache” iyo.

Asteeri 2:15

Mordokiyoosi bi busheen tuniiꞌi bi dichiti, bi niheeshoo Abihayili bushee Asteeri taatoo waan bi hammemmi bi kaallo shaggiyooba, maache bushiisheenaꞌo toommooch ukkiroo tuneti, taatoyich maddeebeeti guruusho Hegayi, biin ciiccitoyee damba bare amoonolla qaawaaneene. Asteeriyoo biin beeggitinaꞌo bulli aafooch worganikkiti busheene.

Asteeri 2:17

Taatoo bare maache bushiisheenaꞌo bulliyee beshoon Asteerin shunniye. Bare gidiide bushiisheenaꞌoyee beshoon biin shunniye; gaawe aafoonoo biin ciinniye. Ebich taatoo Yekisesi taatee gubbichoon bi shimbooch ukiiꞌi, Ashixiini keroon gennee abeetin tuniihe.

Asteeri 2:7

Biichoo Asteeri getteyaabeeti, bi niheeshoo bushee beetine; bi shigo Hibiree noonoona Hadaasi getteehe. Asteeri mallet gaawe koroote busheene. Bi nihoonaa bi indeena qititoyich, Mordokiyoosi bi hajjee busheen tuniiꞌi daammii dichiye.

Asteeri 4:13

ishichii biich wochehe: “Taatee kexooch ne tunetoyich, ‘Ayihudeenaꞌo bulli qitiyooba ta muriccemmi taane’ getiree gabiyaahine.

Asteeri 4:15

Aroochee Asteeri Mordokiyoosich ishichaꞌa wochahan:

Iyoobi 9:18

Taan kachaa kashoon tuushiiꞌi, ta kasho caammemmoyich tuniihe.

Dojjecho 3:7

keexoyich gooroo beete; koyoyich gooroo beete; cikkoyich gooroo beete; yibbaatoyich gooroo beete;

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 46:28

Ta guuno Yaaqobo! Ta neenna tookkii ta tunetoyich shattaahine” iye Doono Yeeri. “Boonoshi daggooch neen ta yookketi aageteenaꞌon, ciroona aalliyemmo taane; tunebaani neen ciroona aalliyaachemmo taane; tunetaa neen tate gommona sheeremmo taane; sheeraanoon besheyaachemmo taane” iye.

Leweenaꞌo 26:42

ebiyooba Yaaqobina tookkaa, Yisaaqinaa Abrahamina tookkaa ta giyeti ta wogoon shalligemmo taane; showoonoo shalligemmo taane.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Woraaferasheenaꞌo 15:6

Filsixeemeenaꞌo “Ebin tuniito, konine?” iꞌi echeheete. Boonoshiyoo ebin tuniito Samsooni tunoon, ebiyoo Timinaahi asho tuneti bi abboo bi mecheen daammii bi miyaatoyich bi shaakkiitoyich tunoonoo ariiheete. Ebina Filsixeemeenaꞌo hammii, ureenaa bi nihoonon qaaqqoona goggii wuxiyeete.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.

1 Saameeli 17:29

Daawitiyoo “Amooniye ta hallito? Echoon hakkaachemmo taane?” iye.