Asteeri 4:1 - Kafa Linguistics Project

¹ Mordokiyoosi ebi tuneti mooyo bullin bi waayehooba, bi tahoon keexxiye; dookoon tahee tulloon bi toommooch shakkii, bi qaaroon oogichiꞌi eeppii ayiniibee, katemee daggooch hammiye.

Asteeri 4:1 ပူးပေါင်းရင်းမြစ်များ

Halloo 27:34

Esayi ishin bi nihoo getaa waayeꞌi, bi qaaroon oogichii tiittee eeppiye. Bi nihoonoo “Taabbo, taanoo wotta diiribe” iye.

Halloo 37:34

Arooba Yaaqobi bi tahoon getoochaa keexxiye; dookoon taheꞌi, meeti areddoon eeppii muushenehe.

2 Saameeli 1:11

Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete.

2 Saameeli 13:19

Tamaariyoo tulloon bi shimbooch shakkahan; bi taheti genje tahoon keexxahan. Bi kishoon bi qellooch geddaꞌa, cookaa eeppaabee hammahan.

Asteeri 4:2

Dookoon taheꞌi maac gimo daaggeyaano bi tunetoyich, bi hammito, taatee kechi uxeree kellooch beddaahaa baachiye.

Asteeri 4:3

Taatoochi awaajjo getteeti woraafo bulliich beeti Ayihudeenaꞌo daggooch oogeti eefo tunehe. Boonoshiyoo coomiyeete; eeppiyeete; bunneheete; meetinaꞌoo dookoon taheꞌi tullooch qeyiyeete.

Iyoobi 1:20

Iyoobiyoo kotoochee tiyiye; bi tahoon keexxiye; bi qelloon cakkehe; showooch baroona guufeꞌinoo goyinnehe.

Iyoobi 2:8

Iyoobiyoo tullooch hammii koteechii gochoon deebiꞌi bi qeddoon qucciye.

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Isiyaasi 15:4

Heshiboninaa Elaleehinoochee cookoo waayeehe; boonoshi qaaro Yahaats beddaahaa waayeehe; ebich Moꞌabee ginee naayinaꞌo bunneheete; boonoshi mullo qewehe.

Isiyaasi 22:4

Ebich tawoo, “Ittoshi qayaa tiitteree eefona; taan goggiiya qiicceyaahote; qititi ta asheenaꞌoyich eefona” iyoye.

Isiyaasi 37:1

Taatoo Hiziqiyaasi ebin waayeꞌi bi tahoon keexxiye; dookoonoo taheꞌi Doono Yeerichi yaafee kexooch hammiye.

Isiyaasi 37:2

Aroochee taatee kechi iraashoo Eliyaqimi, taatoochi koorechi Shebininaa qeesheenaꞌo tuneti qaabbeenaꞌona dookoon taheree, Amootsi bushoo, keemechi Isiyaas waan boonoshi hammemmoyich tuniihe.

Isiyaasi 58:5

Ta qaawaabeeti coomoo ebine? Asho bi qelloon bi giishiyemmo ebiyooba baachiye? Qiximmoochoommon bi yittemmoyich, dookoon tahe, tulloon bi toommooch bi shakkemmoyichiye? Coomoo ne iyaabeeto ebiniye? Doono Yeeri taan emirikkiibeeti aabo ebine?

Hiziqeeli 21:11

Goraado yoppheeꞌi qannitone; gayiree yoppheeꞌi guurechochi kishooch giya qannitone.

Hiziqeeli 21:6

“Ebich ashi bushoocho, tuumbe; tiisheti mulloona wottoo caammeyoona boonoshi aafoochaa tuumbe.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Mikiyaasi 1:8

Ebich shooshaa eeppaabeeto taane; ta muushenetoyich shokke qeddoon, baade baatoonoo tuneto taane. Waangoochoommon, yuyechoommonoo eeppaabeeto taane.

Sofoniyaasi 1:14

Shattiiti Doono Yeerichi aabo katinnitone; oogichiꞌi katinnitone; afaafineꞌi shaggitone. Ebi are aabo caammiti aabo tunemmone. Ebi arooba giidechi ginee naayo bi gibenemmon mucceree oogichi cookemmone.

Maatiyoosi 11:21

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tulloon boonoshi toommooch shahiree, axaaxee gommoochee Yeer waan wotteshinaꞌone.

Mishiraachechinaꞌo 14:14

Tunebaani mishiraachechi Barnabaasinaa Phawuloosina ishin waayeꞌi, boonoshi tahoon keexxiꞌi, asheenaꞌo daggooch wocciyeete; cookiibeenoo ishichiyeete:

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.