Asteeri 3:12 - Kafa Linguistics Project

¹² Ebina ikkinnee agenee aaraa keejjinnee qemooba Hamaani taatoochi koorechinaꞌon ceeggiye. Ceeggiꞌi awaajjo baribare noonoo bullina, woraafeenaꞌo bulliich beeti asheenaꞌo kooriibeeti, baribare biroonoo bi gettitoommon tune kooreeree iraasheenaꞌoyich, woraaferasheenaꞌonaa geppee taateenaꞌo bullinoyich bi hammemmoyich gettiye. Ebi awaajjo taatoo Yekisesichi shigoona kooreeꞌi bi kishee axxaamittoona dukkeehe.

Asteeri 3:12 ပူးပေါင်းရင်းမြစ်များ

1 Taateenaꞌo 21:8

Biyoo Akaabichi shigoona koorichoon kooriyan; Akaabichi maatemoonoo dukkahan. Nabooti beeti katemooch biinna tookkii beeti geeneenaꞌonaa ogoogeenaꞌonoyich daachiihan.

Iziri 8:36

Taatoochi wochoon Efiraaxisee beqachi woraafooch beeti ukkireenaꞌonaa showee iraasheenaꞌona waan bechiyeete. Boonoshiyoo asheenaꞌonaa Yeerichi kexonon deggiyeete.

Asteeri 1:22

Anaamo bulli bi ikkikkoona bi kexoyich doono bi tunemmonaa bi hajjee noonoona bi yibbaatemmonoyich, taatoo wochoon asheenaꞌo yibbaateebeeti baribare noonoonaa boonoshi kooriibeeti baribare biroona kooriiꞌi, taatee showooch beeti woraafeenaꞌo bulliich daachiihe.

Asteeri 3:11

Taatoo biich, “Asheenaꞌonaa boonoshi gijjoona neech ichetone; tato shaahiꞌi neech bekketi mooyon tuniibe” iye.

Asteeri 8:2

Taatoo, Hamaan waanee wochii bi deqqiti, axxaamittee maatemoon bi kishoochee kichii Mordokiyoosich immiye. Asteeriyoo Mordokiyoosin Hamaanicho tuneti mooyo bulli toommooch ukkiriihan.

Asteeri 9:27

Ayihudeenaꞌo boonoshich, woyemmi boonoshi shiijjereenaꞌonaa Ayihudo tunoyich boonoshi waan wottetinaꞌo bullinoyich kuxeyaachemmi doyoon tuniiheete. Ebiyoo Mordokiyoosi boonoshich kooritoommon tuniiree, taajjeeti aabooba ebi gutte aabeenaꞌon kuxaanoon nati natona boonoshi baaremmoyichiye.

Daaneeli 3:10

Taatoocho, xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon waayemmo bulli baroona guuferee aachoochee shuuneeti misiloyich bi goyinnemmoyich, baroona guufeꞌi goyinneyaano koniyoona bi beegaata, aaxxeebeeti qaaqqee sheellooch bi duppeyemmoyich awaajjoon kichito neene.

Daaneeli 6:12

Boonoshiyoo taatoo waan hammiꞌi, “Taatoocho, shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla qollemmo daahereenaꞌochi oppooch bi duppeyemmoyich, awaajjaa koorichee toommooch ne malletoon gedaano neene?” iꞌi bi kichiti awaajjeechon echeheete. Taatoo wochiꞌi, “Ebi mooyo shaddeyaani, Meedinaa Faariisinochi showee sheeroommon manjoone” iye.

Daaneeli 6:15

Aroochee Daaneelichi shixechinaꞌo wochinnoon taatoo waan ikkottee giddeꞌi biich ishichiyeete: “Taatoocho, Meedinaa Faariisinochi showee sheeree doyoochaa ikke taatoo kichiti awaajjo shaddeyoon hakkaano bi tunoon ariibe” iyeete.

Daaneeli 6:25

Aroyee gubb, taatoo Daariyoosi showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich ishichiꞌi kooriye: “Diggoo ittoshich tunebe!

Daaneeli 6:8

Taatoocho, ebi awaajjoon kichi kooriree, ne malletoon arooch gede. Ebina shaddeyaani Meedinaa Faariisinochi showee sheeroochoommon tunemmone” iyeete.