Asteeri 2:7 - Kafa Linguistics Project

⁷ Biichoo Asteeri getteyaabeeti, bi niheeshoo bushee beetine; bi shigo Hibiree noonoona Hadaasi getteehe. Asteeri mallet gaawe koroote busheene. Bi nihoonaa bi indeena qititoyich, Mordokiyoosi bi hajjee busheen tuniiꞌi daammii dichiye.

Asteeri 2:7 ပူးပေါင်းရင်းမြစ်များ

Halloo 48:5

“Hini showooch ta womoyee shiichaꞌa, Gibitsee showooch beechaa ne shiyeti, ne gutte bushiisheenaꞌo illa ta bushiisheenaꞌon tuniitaa haddeyemminaꞌone. Roobeelinaa Simoonina ta bushiisheenaꞌo boonoshi tunetoommon Efreeminaa Minaasina ta bushiisheenaꞌo tunemminaꞌone.

Asteeri 1:11

“Gennee abeeti Ashixiini taatee kechi gubbichoon ukeree hiniich bi woyemmoyich tuniibote” iꞌi gettiye. Bi ishichito, gennee abeeti malletechi bi tunetoyich, bi malletoon iraasheenaꞌonaa asheenaꞌo bullinoyich bekkiiya bi qaawitoyichiye.

Asteeri 2:15

Mordokiyoosi bi busheen tuniiꞌi bi dichiti, bi niheeshoo Abihayili bushee Asteeri taatoo waan bi hammemmi bi kaallo shaggiyooba, maache bushiisheenaꞌo toommooch ukkiroo tuneti, taatoyich maddeebeeti guruusho Hegayi, biin ciiccitoyee damba bare amoonolla qaawaaneene. Asteeriyoo biin beeggitinaꞌo bulli aafooch worganikkiti busheene.

Asteeri 2:20

Asteeriyoo Mordokiyoosi biich gettitoommon, Ayihudeche bi tunoon konichona kashaaneene. Ebin bi tuniito, Mordokiyoosi biin dichii beehooba, bushaabee biich deꞌa bi getoommon, andoo biich deꞌa iyaabeeti bi tunetoyichiye.

Asteeri 8:1

Arooba taatoo Yekisesi Ayihudeenaꞌochi etto Hamaanicho tuneto bullin gennee abeeti Asteerich immiye. Asteeriyoo biinnaa Mordokiyoosina daggooch beeti xibittinoon taatoyich bi gettetoyich, Mordokiyoosi taatoo waan giyiye.

Iyoobi 31:17

nihaalli bushiisheenaꞌo shaacee beetaa, ta maayoon ta ikkeeto maato ta gaata,

Iyoobi 31:18

ta bushittinoochee tiijjaꞌa, nihaalloyich nihoon tunehoani, ta indee maacoochee ta kechetoochee tiijjaꞌa, xuumeenaꞌon gaachehoani,

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Efesooni 6:4

Niheenaꞌote, Doono Yesuusina ciici dojjibee sheeriree dichibotalli, ittoshi bushiisheenaꞌo ippemmoyich tuniyaahote.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.