Asteeri 2:16 - Kafa Linguistics Project

¹⁶ Ebina taatoo Yekisesi taateti shabaattinnee natooba, Tebeeti getteebeeti aashirinnee agenooba, Asteerin taatoo Yekises waan taatee kexooch daammiyeete.

Asteeri 2:16 ပူးပေါင်းရင်းမြစ်များ

Iziri 4:6

Yekisesi batti batt bi taatehooba, Yihudee showoonaa Yerusaaleminooch beeti asheenaꞌo toommooch taggoon cookiꞌi koorichoon kooriyeete.

Iziri 7:8

Iziriyoo Yerusaalem bi shaggito, Arta Yekisesi taateti shabaattinnee natoobee uuchinnee agenoochiye.

Asteeri 2:1

Ebi mooyo tunetoyee gubb, taatoo Yekisesichi ippo beshemmona, Ashixiinin, bi tuniiti mooyonaa bi naboona kechiti awaajjoonon shalligii beehe.

Asteeri 2:15

Mordokiyoosi bi busheen tuniiꞌi bi dichiti, bi niheeshoo Abihayili bushee Asteeri taatoo waan bi hammemmi bi kaallo shaggiyooba, maache bushiisheenaꞌo toommooch ukkiroo tuneti, taatoyich maddeebeeti guruusho Hegayi, biin ciiccitoyee damba bare amoonolla qaawaaneene. Asteeriyoo biin beeggitinaꞌo bulli aafooch worganikkiti busheene.

Asteeri 2:17

Taatoo bare maache bushiisheenaꞌo bulliyee beshoon Asteerin shunniye. Bare gidiide bushiisheenaꞌoyee beshoon biin shunniye; gaawe aafoonoo biin ciinniye. Ebich taatoo Yekisesi taatee gubbichoon bi shimbooch ukiiꞌi, Ashixiini keroon gennee abeetin tuniihe.

Asteeri 2:3

Taatoo bi taatee showooch beeti woraafeenaꞌo bulliich iraasheenaꞌon bi iraashiitaa, mallet gaawe gidiide bushiisheenaꞌo bullin, Suusi katemooch beeti genneenaꞌo beeyi kexooch deebeete. Boonoshiyoo maache bushiisheenaꞌo toommooch ukkiroo tuneti guruusho Hegayi kishooch tunebeete. Boonoshi huutemmi huuto boonoshich ichebe.

Asteeri 8:9

Siwaani getteebeeti keejjinnee agenee hiyaa keejjinnee qemooba ebi tunehe; taatoochi koorechinaꞌo ceegaa waaꞌi, Mordokiyoosi boonoshich gettito bullin Hiindee showoochee tiijjiꞌi Topphiyee showooch beddaahaa, balli hiyaa shabaatte woraafooch beeti Ayihudeenaꞌoyich, iraasheenaꞌoyich, woraaferasheenaꞌonaa geppee taateenaꞌonoyich kooriyeete. Ebi mooyo kooreeto, woraafeenaꞌooch beeti asheenaꞌo yibbaateebeeti baribare noonoonaa boonoshi kooriibeeti baribare biroona tunemmona, Ayihudeenaꞌoyich wotta boonoshi noonoonaa boonoshi biroonane.