Asteeri 2:15 - Kafa Linguistics Project

¹⁵ Mordokiyoosi bi busheen tuniiꞌi bi dichiti, bi niheeshoo Abihayili bushee Asteeri taatoo waan bi hammemmi bi kaallo shaggiyooba, maache bushiisheenaꞌo toommooch ukkiroo tuneti, taatoyich maddeebeeti guruusho Hegayi, biin ciiccitoyee damba bare amoonolla qaawaaneene. Asteeriyoo biin beeggitinaꞌo bulli aafooch worganikkiti busheene.

Asteeri 2:15 ပူးပေါင်းရင်းမြစ်များ

Asteeri 2:14

Biyoo xumoona hamireeshiye bi yaachi maaddoona bi wottemmo. Bi yaachich wotteree guruusho tuneti, taatoochi naamacheenaꞌochi ukkiroo Shashigaazi quyeebeeti, genni beemi bare kexooch bi hammemmoyich tunii beeheete. Taatoo biin shunniꞌi bi shigoona ceego bi qayigaata, wochinnoon taatoo waan giyaachan.

Asteeri 2:16

Ebina taatoo Yekisesi taateti shabaattinnee natooba, Tebeeti getteebeeti aashirinnee agenooba, Asteerin taatoo Yekises waan taatee kexooch daammiyeete.

Asteeri 2:3

Taatoo bi taatee showooch beeti woraafeenaꞌo bulliich iraasheenaꞌon bi iraashiitaa, mallet gaawe gidiide bushiisheenaꞌo bullin, Suusi katemooch beeti genneenaꞌo beeyi kexooch deebeete. Boonoshiyoo maache bushiisheenaꞌo toommooch ukkiroo tuneti guruusho Hegayi kishooch tunebeete. Boonoshi huutemmi huuto boonoshich ichebe.

Asteeri 8:1

Arooba taatoo Yekisesi Ayihudeenaꞌochi etto Hamaanicho tuneto bullin gennee abeeti Asteerich immiye. Asteeriyoo biinnaa Mordokiyoosina daggooch beeti xibittinoon taatoyich bi gettetoyich, Mordokiyoosi taatoo waan giyiye.

Asteeri 9:29

Aroochee Abihayili bushee, gennee abeeti Asteeri Ayihudo tuneti Mordokiyoosina tookkaa tunaꞌa, Fuuriimee baareechon kooreeti guttinnee koorichoon manjiyoyich, biich beeti hakkoona koorichoon kooriihan.

Shaahiyoo 15:33

Doono Yeerin shato, shalligoon doyoone; qelloon giishiyoo, oogoyee shiichoone.

Solomooni 6:9

bi achooch bachaalli ta daabbiche, ikke mixxeene; bi indeechoo ikkeene; biin shiyetichoo aaxxeene; gidiideenaꞌo biin ciinniꞌi galleteheete; gennee abeetinaꞌonaa naamacheenaꞌona biin naadiyeete.

Solomooni 8:10

Xaqqee uxeree ta tunetaanoona ta gibiyoo dilaaloommone; ebich ta shiiqqi taanna oogichii emiritone.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.