Asteeri 10:3 - Kafa Linguistics Project

³ Ayihudo Mordokiyoosi oogoona taatoo Yekisesichi guttinnoone. Biyoo bi yareenaꞌo diggoona keqqaalloon boonoshi beeyemmoyich woddoon qiicceti asho bi tunetoyich, bi maneenaꞌo tuneti Ayihudeenaꞌo bulli oogiibeeti ashoonaa shunniibeeti ashoonane.

Asteeri 10:3 ပူးပေါင်းရင်းမြစ်များ

Halloo 41:40

Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

Halloo 45:10

Ne bushiishoon, ne bushiishoochi bushiishoon, ne bageenaꞌon, ne emmisheenaꞌon, ne miiminaꞌonaa neech beeti mooyo bullinon yeshiree, ta katinooch beeti, Gooshen kotemmo neene.

Halloo 45:11

Batt gubb woyemmi uuche nati shaacoo beetoyich, hiniich ittoshi beetaa, ittoshich qaawiibeeti maayoon ta ittoshich immemmo taane. Ebi tuno qayigaata, neennaa ne kechi asheenaꞌo bullina, neecho tuneto bulliyoo shaacoona qitemmo ittoshine” itone’ getote.

2 Kiinoo 28:7

Zikiri getteebeeti ikke giidechi Efreemee ginee naayo taatoochi bushoo Maseyaahin, taatee kechi iraashoo Aziriqaaminaa taatoochi hilleexi iraashoo tuneti Eliqaaninon wuxiye.

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Asteeri 2:5

Arooba ebi inde katemoo Suusa ikke Ayihudo beehe; bi shigo Mordokiyoosi getteehe. Biyoo Biiniyaami yoodoochee tuneti, Qiishi bushoo, Shimeꞌi bushoo, Yaꞌiiri bushoone.

Asteeri 3:2

Taatee kechi uxeree kellooch beeti ukkireenaꞌo bulli showooch yitiree Hamaanich boonoshi goyinnemmoyich gettitone. Boonoshi bulli ebin tunii beeheete; tunebaani Mordokiyoosi showooch dihiꞌi biich goyinnemmon qajjiye.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 6:3

Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye.

Roomi 10:1

Ta maneenaꞌote! Ta yaroo tuneti Israꞌeelee macceenaꞌo wodoon boonoshi danemmoyich oogeton qaataabeeto taane; corootaanoo beeto taane.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

1 Saameeli 18:16

Israꞌeeleenaꞌonaa Yihudee asheenaꞌona bulloshi Daawitin shunniyeete. Ebiyoo ginoochaa boonoshiyee aaf tuneꞌi koyiibeeto, Daawiti bi tunetoyichiye.

1 Saameeli 23:17

Biyoo Daawitich ishichiye: “Shattaahine; ta nihoo Saaꞌoolichi kishooch dihaachemmo neene. Israꞌeelee taatoo tunemmo neene. Tawoo neyee guttinnoon tunemmo taane. Ta nihoo Saaꞌooliyoo ebin arii beetone” iye.