Asteeri 1:3 - Kafa Linguistics Project

³ bi taateti keejjinnee natooba bi showooch beeti iraasheenaꞌonaa ukkireenaꞌonoyich gifiroon geddiye. Faariisee showoonaa Meedee showoonochi ginee iraasheenaꞌo, taatee kechi mikkirechinaꞌonaa woraaferasheenaꞌona bi waan waaꞌi ebi gifirooch danetinaꞌone.

Asteeri 1:3 ပူးပေါင်းရင်းမြစ်များ

Halloo 40:20

Keejjinnee qemooba Farooni bi shiijjee aabee baarooba, gifiroo geddiꞌi, bi iraashoo bullin ceekkiihe. Uyee qoomechinaꞌochi ukkiroonaa koshon kachii beetinaꞌochi ukkiroonon cuyee kexoochee kichiiꞌi, iraasheenaꞌo aafooch boonoshi neexemmon tuniihe.

1 Taateenaꞌo 3:15

Solomooniyoo tokketoochee tiyiꞌi, Yeeri gumona biich yibbaatoon ariihe. Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Asteeri 1:14

Eboshiyoo Karisheeni, Shetaari, Adimaati, Tarisheshi, Mereesi, Mariseeninaa Memuukinane. Ebi Faariisinaa Meedinochi showee shabaatte iraasheenaꞌo taatoochi katini asheenaꞌonaa iraasheenaꞌo bulliyee beshe iraasheenaꞌonane.

Asteeri 1:4

Boonoshichoo ooge bi taatee gaannoonaa bi taatee oogee yiiroonon ceeni shiritte agenoon bekkiihe.

Asteeri 2:18

Taatoo, Asteeri oogoyich iraasheenaꞌonaa ukkireenaꞌo bullinon ceeggiꞌi oogeti gifiroon geddiye; wotta bi showee daggeexi woraafeenaꞌooch beeti asheenaꞌo gibiroon qocoochee boonoshi kashemmoyich tuniihe; taateenaꞌochi doyoommon wojjoon wojjiye.

Asteeri 3:7

Taatoo Yekisesi taateti aaraa guttinnee natooba, Nisaani getteebeeti ikkinnee agenooba, Fuuriimi getteebeeti ixoo kuxaa, ebi mooyo tunemmi aaboonaa agenoona arichemmoyich Hamaani gettiye. Adaari getteebeeti aaraa guttinnee agenee aaraa keejjinnee qemooba ebi mooyo tunemmoyich ixoo kechiye.

Isiyaasi 21:2

Shattiibeeti yaaꞌoo taach bekkehe; ebiyoo beshii imonaa aalloonane. Elaamee ginee naayinaꞌote, tibote. Meedoonee ginee naayinaꞌote, katemoon giishote. Baabloonichi naboona shaggiti xuuxo bullin Yeeri aalliyemmone.

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Daaneeli 5:1

Taatoo Belshasoori oogeti gifiroon geddiꞌi, ikke hume iraasheenaꞌon ceekkiihe. Biyoo ebi humeenaꞌona tookkii woyinee uyoon uchii beehe.

Daaneeli 5:28

‘FARISINI’ geto, ‘Ne taatittino qoodeete; Meedee asheenaꞌonaa Faariisee asheenaꞌonoyich ichete’ getone” iye.

Daaneeli 6:1

Daariyoosi bi taatetoyee gubb, bi taatee showoo bulliich ukkiremmi, balli hiye iraasheenaꞌon kaacciye.

Daaneeli 8:20

Ebi ne beeggeti, gutte qarechi bagee baaddoo Meedinaa Faariisinochi taateenaꞌoniye bi bekkiibeeto.

Maariqoosi 6:21

Ebiyee gubb, Heroodisi bi shiijjee aabee baarooba bi mikkirechinaꞌonaa bi ginee iraasheenaꞌonon, Galiilee showeexi ogoogeenaꞌonoo gifiroon ceeggiye. Gifiree bi ceego Heroodiyaadich gommon qechiye.