Asteeri 1:12 - Kafa Linguistics Project

¹² Aafee bushiisheenaꞌo taatoochi wochoon gennee abeeti Ashixiinich getaa, “Waataache” iyaꞌa qajjahan. Ebi mooyo taatoon oogichiꞌi ippiihe; biyoo oogeton kaarehe.

Asteeri 1:12 ပူးပေါင်းရင်းမြစ်များ

Halloo 3:16

Ureyichoo ishichiye: “Ne xifehooba xuuxoon, bushoon ne shiyiyooboo maaxoon, oogichi neech woddiyemmo taane; tunetaa ne qaatoo ne keno waan tunemmone; biyoo neyee damboo tunemmone” iye.

Asteeri 1:11

“Gennee abeeti Ashixiini taatee kechi gubbichoon ukeree hiniich bi woyemmoyich tuniibote” iꞌi gettiye. Bi ishichito, gennee abeeti malletechi bi tunetoyich, bi malletoon iraasheenaꞌonaa asheenaꞌo bullinoyich bekkiiya bi qaawitoyichiye.

Asteeri 1:13

Ebich sheeroonaa dayinnetoonon ariibeeti yiiteenaꞌon echo taatoyich doyoo bi tunetoyich, yemeenee mooyon shalligiibeeti yiiteenaꞌona tookkii ebi mooyon yibbaatehe.

Asteeri 7:7

Taatoo ippoona tiyiye; gifiroon qajjiꞌi becheeti mixo beeti taatee kechi addibaabooch hammiye. Tunebaani Hamaani taatoo waanee gonde mooyo biich gabeeto bi tunoon ariiꞌi, gennee abeeti Asteeri bi kashoon bi wodiyemmoyich qolleya, arooch echehe.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Keyo 32:19

Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye.

Keyo 32:22

Harooniyoo wochiꞌi ishichiye: “Ta doonocho, ippeyaahine. Hini asheenaꞌo bulli aaboon gondo waan gaꞌeebeeti asheenaꞌo boonoshi tunoon ariibeeto neene.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 20:2

Taatoochi kaaro gigeebeeti daaheroommon shattiitone; biin ippiimmo bi kashee toommooch nallitone.

Daaneeli 2:12

Ebi mooyona taatoo oogeton ippee kaareꞌi, Baabloon beeti yiiteenaꞌo bulli wuxaa boonoshi aallemmoyich gettiye.

Daaneeli 3:13

Ebich taatoo Nabukadinatsori oogeti ippoona Sidiraaqin, Misaaqinaa Abidinaginon deebi bi aafooch boonoshi neechemmoyich tuniihe.

Daaneeli 3:19

Aroochee Nabukadinatsori Sidiraaqi, Misaaqinaa Abidinaginochi toommooch oogeton ippee shinehe; bi aafoo aaqqiye. Ebi qaaqqee sheelloo bi gaamooch shabaatte kishoon daakkiree bi gaamemmoyich bi asheenaꞌoyich gettiye.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Efesooni 5:22

Mecheenaꞌote, Kiristoosi kittinnee guuphochi shimbo bi tunetoommon, biyoo bi ashittinee quumo tuneti kittinnee guuphochi Wodiyecho bi tunetoommon, keno mecheechi shimboone. Ebich Doono Yesuusich ittoshi hajjee beetoommon, ebiyoommon ittoshi keneenaꞌoyich hajjeebote.

Efesooni 5:24

Kittinnee guupho Kiristoosich bi hajjee beetoommon, ebiyoommon mechee wotta bulli mooyona bi kenoyich hajjeebuye.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

1 Pheexiroosi 3:1

Mecheenaꞌote, ebiyoommon wotta ikkikke ittoshi keneenaꞌo Kiristoosichi wochoon iberiyaaneenaꞌo boonoshi tunegaata, noonoona getona tuneyaanoon, boonoshin oogiibee, gaawe qocoona ittoshi beemon boonoshich bekkiibee, ebi ittoshi gaawe beemi qoco boonoshin Kiristoos waan bi deebemmoyich boonoshich deꞌa getote.