Amootsi 9:8 - Kafa Linguistics Project

⁸ “Nuggishoo Doono Yeeri ta, axaaxechi taatittinee showoon manjii ciinnaabeeto taane. Ebi aroon showee toommoochee aalliyemmo taane. Tunebaani Yaaqobichi shiijjeroon ciroona aalliyaachemmo taane. Doono Yeeri ta, ebin getteto taane.

Amootsi 9:8 ပူးပေါင်းရင်းမြစ်များ

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

Halloo 7:4

Shabaatte qemoyee gubb, shaanaani amiyon aabbe areddoonaa aabbe xumoonon showee toommooch dichemmo taane; ta halliti halleenaꞌo bullinoo showee toommoochee hidi aalliyemmo taane” iye.

1 Taateenaꞌo 13:34

Ebi axaaxoo Yeroboꞌami kexo happeyemmonaa showee toommoochee bi aallemmonoyich naboo tunehe.

Shaahiyoo 15:3

Doono Yeeri aafo bulli xaaꞌoon ciinnii beetone; deꞌeenaꞌonaa gondeenaꞌonon beeggii beetone.

Shaahiyoo 5:21

Doono Yeeri aafoochaa ashi gommo bulli xalla bekketone; biyoo ashi shaaddo bullin ciinnii beetone.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 44:27

Deꞌoyich tuneyaanoon gondoyich boonoshin ciinnemmo taane; Gibits beeti Yihudee asheenaꞌo bulla aallemmooch beddaahaa goraadoona, shaacoonoo ciiremminaꞌone.

Erimiyaasi 46:28

Ta guuno Yaaqobo! Ta neenna tookkii ta tunetoyich shattaahine” iye Doono Yeeri. “Boonoshi daggooch neen ta yookketi aageteenaꞌon, ciroona aalliyemmo taane; tunebaani neen ciroona aalliyaachemmo taane; tunetaa neen tate gommona sheeremmo taane; sheeraanoon besheyaachemmo taane” iye.

Erimiyaasi 5:10

“Boonoshi woyinee bechee daggooch giyiree duubiibote; tunebaani ciroona aalliyaahote; Doono Yeericho tuno boonoshi qajjitoyich bi ateenaꞌon hoꞌote;

Hosee'i 1:4

Aroochee Doono Yeeri Hoseeꞌich ishichiye: “Giisheche aaboyee gubb, Yezireeli katemoochaa Yehi ukkiti damee nichoon bi yareenaꞌo toommooch gaaccemmo taane; Israꞌeelee taatittinoonoo kuxxemmo taane. Ebich bushoochi shigoon Yezireeli geti shigiibe!

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Amootsi 3:12

Doono Yeeri ishichiye: “Shamaara beeti Israꞌeeleenaꞌochi wodoo bi tunemmo, qiddoo daaheroochi kookkoochee bi bagoochi gutte baatee shaawushoon woyee waamon dichiiꞌi bi deeboommoniye. Boonoshi qeechi degoonaa teeqqonoyee besh boonoshich echemmi mooyo amolla daneyaachemmone.

Amootsi 7:17

Illa ebich Doono Yeeri ishichiye: ‘Ne mechee katemee daggooch yahechi tunemmine. Ne anaami bushiishoonaa maache bushiishoona ginoochaa qitemminaꞌone. Ne showoo woderoona qoodaa ashich ichemmone. Newoo yaafeyaani showoochaa qitemmo neene. Iberoon, Israꞌeeleenaꞌoo boonoshi showoochee kecaa hammemminaꞌone’ itone” iye.

Amootsi 9:10

‘Gonde mooyo noonna danemmoyich, no achooch bi shaggemmoyichoo Yeeri daaggaachemmone’ ii beeti, ta asheenaꞌo daggooch beeti axaaxechinaꞌo goraadoona qitemminaꞌone” iye.

Amootsi 9:4

Etto boonoshin kecciꞌi, gashee daammitaa aroochaa goraadoona boonoshi qitemmoyich tuniyemmo taane. Boonoshin gaacheya tuneyaanoon boonoshin aalliiya kuxxaa tiyeto taane” iye.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.