Amootsi 9:14 - Kafa Linguistics Project

¹⁴ Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Amootsi 9:14 ပူးပေါင်းရင်းမြစ်များ

Shoddo 107:37

Maayoon shookkiyeete; woyinoonoo bechiyeete; wodde maayoon qecciyeete.

Shoddo 53:6

Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 61:4

Boonoshiyoo wonna happeeti buriceenaꞌon shuunemminaꞌone; wonna dihitinaꞌon wochi tiijjemminaꞌone; meeti shiijjeroyee aafi tiishee aalleti katemeenaꞌon, wochi shuunemminaꞌone.

Isiyaasi 65:21

Asheenaꞌo kexon hagiree arooch beeyemminaꞌone; woyinoon bechiree bi aafoon maayemminaꞌone.

Erimiyaasi 12:15

Boonoshin ta waaxxetoyee gubb, wochiree maaremmo taane; boonoshi ikkikkoon boonoshi showoonaa boonoshi hajjoonooch wochiree deebemmo taane.

Erimiyaasi 16:15

Tunebaani ‘Israꞌeeleenaꞌon dambi-waaninaa bi yookkiti showoo bullinoochee wochii deebiti beeyechi Doono Yeeri beege’ getteyemmone; tawoo boonoshi qaabbechinaꞌoyich ta immeti boonoshi showooch boonoshin wochemmo taane” iye.

Erimiyaasi 23:8

“Tunebaani ‘Israꞌeeleenaꞌon dambi-waaninaa bi shacciti showoo bullinoochee kichii deebiti, beeyechi Doono Yeeri beege’ getteyemmone; boonoshi hajjee showoochoo kotemminaꞌone” iye.

Erimiyaasi 24:6

Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Erimiyaasi 31:28

Boonoshin waaxonaa happoonoyich, guufonaa aalliyoonoyich, iritoonoo boonoshi toommooch deeboyich ta kupphoommon, boonoshin manjiyoonaa bechoonoyich kupphemmo taane” iye Doono Yeeri.

Erimiyaasi 31:5

Wochinnoon Shamaari guudinaꞌo toommooch woyinoon bechemmi neene; bechechinaꞌoo bechemminaꞌone; bi aafoonoo emiremminaꞌone.

Erimiyaasi 32:15

Ebich Israꞌeelee Nuggishoo Beshe Mawe Doono Yeeri, asheenaꞌo hini showoochee kexonaa goyoonon, woyinee budonoo wochinnoon kememminaꞌone’ itone” iyo.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 33:7

Yihudee kecoonaa Israꞌeelee kecoonon wochemmo taane; wonnee boonoshi beemooch boonoshin wochiree bechemmo taane.

Hiziqeeli 16:53

“ ‘Sodoominaa bi bushiisheenaꞌonochi kecoon, wottoo Shamaarinaa bi bushiisheenaꞌonochi kecoon wochemmo taane; ne hajjee kecoonoo boonoshi daggoochaa neech wochemmo taane.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hiziqeeli 37:21

boonoshichoo ishichibe: ‘Nuggishoo Doono Yeeri ishichiye: Israꞌeelee asheenaꞌon boonoshi hammiti aageteenaꞌo daggoochee deebemmo taane; bulli kaattoochee boonoshin kicemmo taane; boonoshi hajjee showooch boonoshin deebemmo taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.