Amootsi 9:12 - Kafa Linguistics Project

¹² Ebina, echeti Edoomee showoonaa ebiyee aaf taacho tuneti bare showoo bullinon koyi yechemminaꞌone” iye ebin tuniyemmi Doono Yeeri.

Amootsi 9:12 ပူးပေါင်းရင်းမြစ်များ

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 27:37

Yisaaqiyoo wochii Esayich ishichiye: “Ebiyoche, ne toommooch biin doonjiito taane; bi maneenaꞌo bulli biich hajjeyemmoyich, maayoonaa woyinee uyoona biich abbetemmoyich diirito taane. Ta bushoocho, illa neech amoon hallibote?” iye.

Shoddo 60:8

Moꞌabi ta aachi machee qiicoone; Edoomi taacho bi tunoon bekkiyoyich, ta caammoon duppemmo taane; Filsixeemi toommooch wudee danoona ililemmo taane” iye.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 63:19

Nowoo, neech hajjeyaani, ne shigoonoo ceekkeyaani ashoommon tuneto noone.

Isiyaasi 65:1

Doono Yeeri ishichiye: “Taan echeyaaneenaꞌoyich bekkehoye; taan qaawaaneenaꞌoyich danehoye; ta shigoon ceegaani aageteenaꞌoyich ‘Hini tawoche, hini tawoche!’ iyoye.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Yoꞌeeli 3:8

Ittoshi anaami bushiishoonaa maache bushiishoona Yihudee asheenaꞌoyich beshiitaa boonoshi kechemmoyich tuniyemmo taane. Boonoshiyoo wohooch beeti Sheebee asheenaꞌoyich kemmemminaꞌone. Ebin getteto Doono Yeeri taane.

Milikiyaasi 1:4

Edoomee asheenaꞌo diqqich “No katemeenaꞌo boonoshi happeetaanona wochi shuunemmo noone” gettemminaꞌone. Tunebaani Beshe Mawe Doono Yeeri ishichiye: “Shuunemminaꞌone; tunebaani ta happemmo taane. Asheenaꞌo boonoshi showoon ‘Xuꞌee showoo’ boonoshinoo ‘Doono Yeeri bulli yemeenoon kaareti asheenaꞌo’ gettemminaꞌone” iye.