Amootsi 9:11 - Kafa Linguistics Project

¹¹ Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Amootsi 9:11 ပူးပေါင်းရင်းမြစ်များ

Iyoobi 1:10

Biinnaa bi kexonochi guudoon, biich beeto bullichi guudoonoo uxereyaano neene? Bi kishoona bi shuuneti mooyon diirito neene. Bi gijjeenaꞌo showee toommooch ceennitinaꞌone.

Shoddo 143:5

Wonnee yemeenoon gabiyoye; ne shuunoo bullin kichaa kindiihoye; ne kishee shuunoo bullin yexiihoye.

Shoddo 80:12

Ishigaata amoyich bi guudoona beeti xaqqee uxeroon happinne? Ebiichee tiyitona aroona besheebeeto bulli bi aafoon kuxxii maahe.

Shoddo 89:40

Bi xaqqee uxeroo bullin tiichehine; bi mishigeenaꞌonoo happihine.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Isiyaasi 58:12

Ittoshi shiijjereenaꞌo wonna happeeti buriceenaꞌon wochinnoon boonoshi xaaꞌooch shuunemminaꞌone; ittoshiyoo ‘Tiisheti uxereenaꞌon, gommechi beemi xaaꞌeenaꞌonoo wochii shuunechinaꞌo’ getteyemmo ittoshine” iye.

Isiyaasi 63:11

Aroochee asheenaꞌo Muusichi wonnee yemeenoon, gabiyeete; boonoshiyoo “Bi bageenaꞌochi qiddeenaꞌona tookkii boonoshin baharoochee kichito aaye? Bi Yaafe Ayaanoon boonoshi daggooch kotiito aaye?

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Erimiyaasi 18:9

Ebiyoommon wotta ikke aagetee showoon woyee taatittinoon manjiyemmo, wottoo bechemmo ta tunoon ta gettaachaa

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 46:26

Boonoshi kashoon qaawiibeeti asheenaꞌoyich, Baabloonee taatoo Nabukadinatsorichi kishooch, bi maddechinaꞌo kishoochoo beshiiree immemmo taane. Aroyee gubb Gibitsi wonneechoommon ashi beeyi xaaꞌoon tunemmine” iye Doono Yeeri.

Shoosho 5:21

Doono Yeero, ne waan noon wochibe; nowoo wottemmo noone; no yemeenoonoo wonneechoommon andiriibe!

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Hiziqeeli 36:11

Ashoonaa gijjoonon ittoshi toommooch woddiyemmo taane; boonoshiyoo woddemminaꞌone; aafemminaꞌone; wonnee ittoshi gooroommon arooch ittoshi beeyemmoyich tuniyemmo taane; aafichoyee beshoon gaawe mooyon ittoshich tuniyemmo taane; Doono Yeeri ta tunoon ariyemmo ittoshine.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Abidiyi 1:17

“Tunebaani Tsiyooni guudi toommooch, aalloochee muriccitinaꞌo danemminaꞌone; ebi xaaꞌoo yaafe xaaꞌoo tunemmone; boonoshi hajjoo tuneti showoon Yaaqobichi asheenaꞌo wochinnoon woraashemminaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 7:11

Yerusaalemi asheenaꞌote, ittoshi katemee xaqqee uxeroon ittoshi uxeremmi yemeeno woyemmone. Ebi arooba ittoshi showoo gaminnemmone.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Mikiyaasi 7:8

Ta ettoocho, taanna emiriyaahine! Ta dihitaanona tiyemmo taane; manderooch ta kotetaanona Doono Yeeri taach bekkoon bekkiyemmone.

Zakaariyaasi 12:7

“Daawitichi kechi asheenaꞌonaa Yerusaalemi asheenaꞌonochi oogo, Yihudee asheenaꞌochoyee bi beshaachemmoyich, Doono Yeeri ta, Yihudee ginee naayinaꞌo shiichiree wudoon danemmoyich tuniyemmo taane.

Zakaariyaasi 14:10

Showoo bulli Geebee tiijji Yerusaalemaa deshi-waan beeti Rimoon beddaahaa, shaddeeree naqqe gaddoon tunemmone. Tunebaani Yerusaalemi, Biiniyaami Kelloochee tiijjiree ebiyee aafi kellee xaaꞌooch beddaahaa, Uxeree Daneexi Kellooch beddaahaanoo, wotta Hanaaneeli Dilaaloochee tiijjiree taatoochi woyinee hiicci oppooch beddaahaa bi xaaꞌooch beshiree beeyemmone.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Haddoo 24:18

Edoomin koyi wochemmone; bi etto Seyirinoo koyi yechemmone; Israꞌeeli kupphe kupphe hammemmone.