9 Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.
Areddoo boonoshich xumemmone; xumi manderoona shafoommon areddee aaboona shafemminaꞌone.
Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.
Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.
Shabaattoo shiyeti niretine; bi kasho guutitone; batt areddoo bi beetaa, aabo biich giyitone; yeelletine; cooneenoo itine; boonoshi cureenaꞌonoo goraadooch, boonoshi etteenaꞌo aafooch beshiiree immemmo taane” iye Doono Yeeri.
Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.
Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.
Fileyadeesinaa Oriyoonina getteebeeti xojjeneenaꞌon hallito, dunne manderoon hariibeeto, hariton xumiibeeto, baharee aacon wochiꞌi, showee toommona bi taheyemmoyich tuniibeeto, giidechinaꞌo toommooch aalloon deebiꞌi, boonoshi mishigoon happii aalliibeeto, bi shigo Doono Yeerine.
Ebich, yaaꞌoo boonoshich bekkeyaachemmi xumo, mooyo boonoshich gaxxeyaachemmi manderoo woyemmone. Ebi keemechinaꞌoyich aabo giyemmone; showoo shitirippimi manderemmone” iye.
Aroobee aabo, areddoonaa xumoona tuneyaani, kuxeyaani areddoo tunemmone. Ebi aabeechon ariibeeto Doono Yeerine. Xum bekko tunemmone.
Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’
Aree hillooch haree shiritte saatoochee tiijjiꞌi yiixiye saato beddimmi wottoon showoo bulli manderehe.
Haree shiritte saatoochee tiijjiꞌi yiixiye saato beddimmi wottoon showoo bulli manderehe.
Haree shiritte saati bedoone; areegaata aabee bekko manderehe; yiixiye saatee wottoon are showoo bulli toommoochee bekko aallehe. Arooba yaafee kexooch tippeeti maccillaatoo gutte daggoochaa kappheeꞌi keexee kechiye.
Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.
Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.