Amootsi 8:5 - Kafa Linguistics Project

⁵ Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone.

Amootsi 8:5 ပူးပေါင်းရင်းမြစ်များ

2 Taateenaꞌo 4:23

Biyoo, “Hanaach agenee keyi baaroo woyee shambetoo toone; bi waan ne hammemmo amoyichiye?” iye. Ureyoo “Diggoyichiye” iyan.

Keyo 31:13

“Israꞌeeleenaꞌoyich ishichibe: ‘Doono Yeeri ta, ittoshin yaafiibeeto ta tunoon ittoshi ariyemmoyich, taannaa ittoshinochi daggooch, gubbi ittoshi shiijjeroo bulli daggoochoo malletoo bi tunetoyich, ta shambetoon quyebote.

Shaahiyoo 11:1

Doono Yeeri machee qiicoona yubiyoon ciigehe; tunebaani machee qiicoona tachii qocona emiriye.

Shaahiyoo 16:11

Tate machoonaa qeellee qiicoona Doono Yeerichone; mollexxeexi qeellee qiiceenaꞌo bulli bi shuuneenaꞌone.

Shaahiyoo 20:23

Kishoo guttiiꞌi qeelloon Doono Yeeri ciigehe; koote qeellee qiico biin emirikkaache.

Isiyaasi 1:13

Gaacaalli ittoshi buuroon ebiyee bekk deebaahote; ixaanoo taan tiyaarii beetone; batti agenee keyi ittoshi baaroon, ittoshi shambetoon; ittoshi iitoonaa xuꞌoona ceenniti ittoshi kiceyoonon haaꞌiyoon hakkaache.

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Hosee'i 12:7

Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Hosee'i 12:8

Efreemi ‘Gaanneto taane; hajjoonoo daneto taane. Ebi gaanno beetaa koniyoona ta waanee axaaxoon woyee xuꞌoon danoon hakkaachemmone’ iye.

Leweenaꞌo 19:36

Maayoon ittoshi shafirii woyee aache mooyon ittoshi qeellee beegaata, tate shafiree qiicoona, tate machee qiicoonaa tate qeellee qiicoona qeellebote. Ta, ittoshin Gibitsee kichaa deebeti, ittoshi Nuggishoo Doono Yeeri taane.

Zakaariyaasi 5:6

Tawoo “Ebi amoone?” iyaꞌa echeho. Biyoo “Ebi mokkoone; ebi mokkooch beeto showee toommo bulliich beetinaꞌochi xuꞌoone” iye.

Zakaariyaasi 5:8

Maraakoo taach “Ebi ure gondeechi shaahiyeene” iye. Aroochee mokkee maacooch ureen xuqqii giijjiye. Xuuree guufoonoo mokkee toommooch wochii guuppiye.

Milikiyaasi 1:13

‘Ebi shewiiti mooyone’ iibee hoxehote. Bogaa waaton, baata sheqqe gijjoonaa biiyechi gijjoonon deejjoo tuniiꞌi giddiihote. Iberoochaa ebin ittoshi kishoochee deqqehote?” iye Beshe Mawe Doono Yeeri.

Haddoo 10:10

Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.

Qolaasiyaasi 2:16

Illa maayee naboona woyee uyee naboona woyee nati baaroon woyee agenee keyi baaroon woyee shambetoon ittoshi quyee qajji naboona koniyoona ittoshi toommooch nallaaye.

1 Saameeli 20:5

Daawitiyoo biich ishichiye: “Ebiyoche, yaach agenee keyi baaroo bi tunetoyich, maayoon mamoyich taatoona tookki madooch koto taach qaawii beetone. Tunebaani sharitti wottoon ikke kubbooch aashe ta beeyemmoyich tuniibe.