Amootsi 8:4 - Kafa Linguistics Project

⁴ Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Amootsi 8:4 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Iyoobi 24:4

Girechon gommoochee xuqqii wochiyeete; showee toommeexi girechinaꞌoo aashemmoyich tuniiheete.

Shoddo 10:7

Bi noonooch ufo, kootoonaa miichoona ceennitone; maroonaa gonde mooyona bi heciyooch beetone.

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 14:4

Koshon mamoommon ta asheenaꞌon maabeeti, Doono Yeeri ta waan corootii ariyaani, gondoon shuuneebeeti ebi asheenaꞌoyich, ariyoo aalloone?

Shoddo 140:12

Doono Yeeri girechoyich nalliibeeto, xukketinaꞌoyichoo neexeebeeto, bi tunoon ariihoye.

Shoddo 56:1

Yeero, asheenaꞌo taan neexxitoyich, heeyo bullin taan boonoshi yookkii dabbitoyich, taach ariqqebe.

Shaahiyoo 30:14

Girechinaꞌon showee toommoochee, iritechinaꞌonoo ashi daggoochee aalliyoyich, boonoshi gasho goraado, boonoshi gammoo shikkoo tunetinaꞌo, beetinaꞌone.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 28:14

Ebi asheenaꞌo toommooch iraasheꞌi Yerusaalemin hajjiibeeti, hini cooqqirechinaꞌote, Doono Yeeri gettii beeton waayebote.

Erimiyaasi 28:15

Tawoo ebin Hanaaniyich ishichaꞌa getteho: “Hanaaniyo, waayebe: Neen Doono Yeeri wocheyaanoone; ne hini asho bulli koote mooyon bi gibenemmoyich tuniito neene.

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 45:10

Ibere machoo, ibere tachee qiicoonaa ibere qeellee qiicoona ittoshich tunebe.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Amootsi 5:12

Ittoshi axaaxoo am shaahoon bi woddeto gaata, ittoshi gondo am shaahoon bi maggeto gaatoo, ariibeeto taane. Cadiqeenaꞌon xuqqiyote; xuccoon maahote; nallee gabberoochaa girechinaꞌo nalloon daneyaachemmoyich tuniihote.

Amootsi 7:16

Illa and Doono Yeerichi qaaroon waayebe! Newoo ‘Israꞌeeleenaꞌoyich keemmaahine; Yisaaqichi shiijjeroyich qoqqaahine’ iyine.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Mikiyaasi 3:3

Ta asheenaꞌochi meenon maahote; boonoshi gooqqoon gaxxii, boonoshi shaawushoon tiichii buricciꞌi qondooch kiijjeyemmi meenochoommon qecciqeccaayiyote.

Zakaariyaasi 5:6

Tawoo “Ebi amoone?” iyaꞌa echeho. Biyoo “Ebi mokkoone; ebi mokkooch beeto showee toommo bulliich beetinaꞌochi xuꞌoone” iye.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.