Amootsi 8:2 - Kafa Linguistics Project

² Biyoo taan “Amootso, ebi ne ciinnaabeeti mooyo amoone?” iꞌi echehe. Tawoo “Mokkee ceeni, manjeebeeti gaangiti michi aafoone” iyo. Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane.

Amootsi 8:2 ပူးပေါင်းရင်းမြစ်များ

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

Isiyaasi 28:4

Qeemi bambee toommooch beeti Shamaari bi oogoon muccemmine; biyoo shoolliibeeti bechee bungoommon, maayi qecci goorooch shiichii gaangiti, asho bi beegigaata bekkech kuxxii bi maabeeti balaasoommon tunemmine.

Erimiyaasi 40:10

tawoo, no waan woyemmi Baabloonee asheenaꞌo aafooch ittoshi qoodooch neexoyich Mitsipha kotemmo taane; tunebaani ittoshi woyinoon, manjeebeeti michi aafoonaa zayitoonon kicibote; ittoshi qiicoochoo gedote; ittoshi yechiti katemoochoo kotebote” iye.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Shoosho 4:18

Etto no hilloon hillee beehe; ebich gommona hamon hakkaano noone; no ciiro katinnitone; no deco ciiretone; no ciiro shaggitone.

Hiziqeeli 12:23

Ebich boonoshich ishichibe: ‘Nuggishoo Doono Yeeri ishichiye: Ebi shaahiyee yibbaatoon echiyemmo taane; ebiyee bekk Israꞌeelee showoochaa getteyaachemmone’ gete. Boonoshichoo ‘Yaaꞌoo bulli ceennemmi aabo katinnitone.

Hiziqeeli 29:8

“ ‘Ebich Nuggishoo Doono Yeeri ishichiye: Goraadoon ittoshi toommooch deebemmo taane; ashoonaa gijjoonon ittoshi daggoochee aalliyemmo taane.

Hiziqeeli 3:10

Daakkiꞌinoo taach ishichiye: “Ashi bushoocho, neech ta gettemmi ta qaaro bullin elle waayeree ne mullooch gede.

Hiziqeeli 3:7

Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Hiziqeeli 7:6

Ciiro waatone! Ciiro shaggitone! Ittoshi toommooch tiyitone; ebiyoche waatone!

Hiziqeeli 8:12

Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Hiziqeeli 8:6

Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Amootsi 7:8

Doono Yeeriyoo taach ishichiye: “Amootso! Ebi ne ciinnaabeeti mooyo amoone?” iye. Tawoo “Tumbine” iyo. Yeeriyoo ishichiye: “Ta asheenaꞌo tuneti Israꞌeeleenaꞌo gaꞌiitaa shuuneeti xaqqee uxeroomminaꞌo boonoshi tunoon bekkiyoyich, tumbin yaggaabeeto taane. Ebiyee gubb boonoshin maaraachemmo taane.

Amootsi 8:1

Wotta Nuggishoo Doono Yeeri bare yaaꞌoona ebin taach bekkiihe. Tawoo mokkee ceeni, manjeebeeti, gaangiti michi aafoon beeggeho.

Mikiyaasi 7:1

Manjeebeeti michi aafo macaa tiyaa, woyinee aafoo buttetaa ciyaa bi maayemmon mucceti ashoommon ta tunetoyich, taach woowo! Manjeyemmi woyinee yuunjoo aalloone; ta shunnaabeeti, qaabbe balaasee michi aafoo macaa ciyitone.

Zakaariyaasi 5:2

Maraakoo “Amooniye ne ciinnaabeeto?” iꞌi taan echehe. Tawoo biich, “Ta ciinnaabeeto bi neexo hiye hiroo, bi maacoo aashire hiroo tuneti, yongee toommooch yoobbiibeeti qoddeti macaafooniye” iyaꞌa wochiyo.