Amootsi 8:14 - Kafa Linguistics Project

¹⁴ Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Amootsi 8:14 ပူးပေါင်းရင်းမြစ်များ

1 Taateenaꞌo 12:32

Yihudee showoochaa baaroo baaree beetoommon, shimittinnee agenee aaraa uuchinnee qemooba, bi baareyemmon Yeroboꞌami tuniihe; deejjee gudoochoo deejjiye; bi shuuneti maaminaꞌochi misiloyich deejjoon deejjiye; ebi bullin Beeteelaa tuniihe. Guudi toommeexi goyinnee xaaꞌeenaꞌoyich bi kaacciti, qeesheenaꞌon Beeteel kotiihe.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 16:24

Biyoo Shamaaree geppoon shichaa shimitte kiilo giraam bede birewoona Shemeer waanee kemeꞌi, xaqqee uxerechi katemoon shuunehe. Ebi bi shuuneti katemoon are geppee Doono Shemeerichi shigoona Shamaari iꞌi shigiihe.

2 Taateenaꞌo 10:29

Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee, ebiyoo Beeteelinaa Daaninooch beeti, aachoochee bi shuuniiti maanji misiloyich goyinnoochee, wohaanoone.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Shoddo 140:10

Qaaqqee buno boonoshi toommooch kindibe; oppooch dupperee aroochee kechaayeete.

Shoddo 36:12

Gondeenaꞌochi dihoon ciine; qettoo dugilla wottetinaꞌone; timon hakkaacheete.

Shaahiyoo 24:16

Cadiqe asho shabaatte wottoon dihiye; wochinnoonoo tiyiye; tunebaani gonde asheenaꞌo gondooch dihemminaꞌone.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 43:17

gaarinaꞌonaa haresheenaꞌona, ginee naayinaꞌonaa ginee anaaminaꞌona woyemmoyich tuniiti, dech boonoshin qeejjiti, wochi boonoshi tiyaachemmoyich tuniiti, gippee ciitoochoommon boonoshin ooyiiti, Doono Yeeri ishichiye:

Erimiyaasi 25:27

“Aroochee boonoshich ishichibe: ‘Israꞌeelee Nuggishoo Beshe Mawe Doono Yeeri ishichiye: Ittoshi daggooch ta deejjemmi goraadee naboona, uyote; mashebote; cooyote; ebiyee bekk tiyaachemmon tuneree dihibote’ gete.

Erimiyaasi 51:64

‘Doono Yeeri deebemmi gonde mooyoochee tiyitona, ebiyoommon Baablooni dech duukkemmone; tiyaachemmone’ gete” iye. Erimiyaasi gettiti qaaro ebi wottoone.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 13:16

Shamaaree asheenaꞌo boonoshi xuqqiti xuꞌoyich echeyemminaꞌone. Boonoshi Nuggishoo toommooch boonoshi tiyitoyich goraadoona dihemminaꞌone. Boonoshi nallefeenaꞌo ceqqetaa qitemminaꞌone. Boonoshi maacheenaꞌochi yeqqefoo goheyemmone” iye.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Amootsi 5:1

Israꞌeeleenaꞌote, ittoshi toommooch ta caaggaabeeti hichoon waayebote!

Amootsi 5:2

“Gidiideyoommi Israꞌeeli dihiyane; dihiichaa tiyemmon mawiihane; bi hajjee showoochaa duppahane; biin tiijjemmo aallehe” iyaꞌa shoddaabeeto taane.

Amootsi 5:5

Taan qaawiree Beeteel hammaahote; Galigaloo giyaahote; Beershaaboo beshe hammaahote. Galigali asheenaꞌo iberoon kecaa hammemminaꞌone; Beeteeliyoo tiishemmone” iye.

Mikiyaasi 1:5

Ebi bullichi naboo, Israꞌeeleenaꞌo shuuneti axaaxoonaa hukkoonane. Israꞌeeleenaꞌo shuuneti hukkoyich echeyemmo konine? Shamaari katemoo toone? Yihudee asheenaꞌo shahalloyich goyinnoona axaaxoon boonoshi shuunemmoyich tuniito konine? Yerusaalem toone?

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Mishiraachechinaꞌo 18:25

Ebi uro Doono Yesuusichi gommon doyiti uroone; biyoo qeeci mulloona kaachiꞌi, Yesuusichon asheenaꞌoyich gettiibee dojjii beehe. Tunebaani bi ariibeeto Yowannisi aacona afaalleechon baachiye.

Mishiraachechinaꞌo 19:23

Arooba ebi Doonochi gommi naboona Efesoon magge dulloo tiyiye.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Yibbaatoo 33:11

Doono Yeero, boonoshich beeto bullin diiribe. Boonoshi kishee shuunoo bulli neen emirikkito tunebe. Boonoshi etteenaꞌochi shimetoon kuxe. Wochinnoon boonoshi toommooch tiyaayeete” iye.

Yibbaatoo 9:21

Ebi aroon shuunoona Doono Yeeri toommooch axaaxoon ittoshi shuuneti, maanji misiloon daammaꞌa qaaqqoona michiyo. Aroonoo tiichaꞌa, buddino bi tunemmi wottoon, yiikkaa qacichiyoye. Ebi buddino tuneton daammaa guudoochee kindiibeeti woce aacooch shacceho.