Amootsi 7:17 - Kafa Linguistics Project

¹⁷ Illa ebich Doono Yeeri ishichiye: ‘Ne mechee katemee daggooch yahechi tunemmine. Ne anaami bushiishoonaa maache bushiishoona ginoochaa qitemminaꞌone. Ne showoo woderoona qoodaa ashich ichemmone. Newoo yaafeyaani showoochaa qitemmo neene. Iberoon, Israꞌeeleenaꞌoo boonoshi showoochee kecaa hammemminaꞌone’ itone” iye.

Amootsi 7:17 ပူးပေါင်းရင်းမြစ်များ

2 Taateenaꞌo 17:6

Hosheehi taateti yiixiyinnee natooba, Asooree taatoo Shamaarin yechiye. Israꞌeeleenaꞌonoo kecciꞌi, Asooree showooch daammiye. Boonoshinoo Halaahi katemooch, Gozaani woraafee daggooch beeti Haboori aachi gaꞌooch, wotta Meedee showeexi katemeenaꞌooch boonoshi kotemmoyich tuniihe.

Shoddo 78:55

Boonoshi aafoochee aageteenaꞌon yookkiye; boonoshi showoonoo iristo tuniiꞌi qoodiye; boonoshi kexonoo Israꞌeeleenaꞌoyich immiye.

Isiyaasi 13:16

Boonoshi ciini beetaa, boonoshi nallefeenaꞌo ceqqetaa qitemminaꞌone; boonoshi kexinaꞌo bosheyemminaꞌone; boonoshi mecheenaꞌoo qeyeyemminaꞌone.

Isiyaasi 22:18

Neen qodi halluulliiree, haalloochoommon gamini showooch duppemmone; aroochaa qitemmo neene; ne doono kexooch yeelliibeeti ashoon tunemmo neene; ne geecoo tuneti gaarinaꞌo arooch echemminaꞌone.

Erimiyaasi 14:16

Keemoon boonoshi keemmiti asheenaꞌoo shaacoonaa goraadoonoochee tiyitona Yerusaalemi gomminaꞌooch yacheyemminaꞌone; boonoshi gondoon boonoshi toommooch woniyemmo ta tunetoyich, boonoshinaa boonoshi mecheenaꞌonon, boonoshi anaami bushiisheenaꞌonaa maache bushiisheenaꞌonon, duukkemmo daneyaachemmone.

Erimiyaasi 20:6

Fashuuro! Ne, ne kexooch beetinaꞌo bulliyoo kecaa hammemmo ittoshine; neennaa koote keemoon ne keemmeti ne shunechinaꞌo bullina kecooch hammemmo ittoshine; Baabloonee showooch giyemmo ittoshine; aroochaa qitemmo ittoshine; arooch duukkemmo ittoshine’ ” iye.

Erimiyaasi 28:12

Keemechi Hanaaniyi ta qettoochee waanjoon bi tiichiti giisheche aaboyee gubb, Doono Yeeri taach gettiti qaaro ebine:

Erimiyaasi 28:16

Ebich Doono Yeeri ishichiye: ‘Showee toommoochee neen aalliyemmo taane; Doono Yeeri ta toommooch hukkoon ne yibbaatetoyich, hini natooch qitemmo neene’ itone” iyo.

Erimiyaasi 29:21

Israꞌeelee Nuggishoo Beshe Mawe Doono Yeerichi shigoona koote keemoon ittoshich keemmiibeeti Qolaayichi bushoo Akaabinaa Maseyaahichi bushoo Sedeqiyaasinochon ishichiye: “Boonoshin Baabloonee taatoo Nabukadinatsorichi kishooch beshiiree immemmo taane; ittoshi aafoochaa boonoshin wuxemmone;

Shoosho 5:11

Maacheenaꞌo Tsiyoonaa, gidiideenaꞌoo Yihudee katemeenaꞌoochaa, giidoona yeshaa mecheheete.

Hiziqeeli 4:13

Doono Yeeri ishichiye: “Israꞌeelee asheenaꞌo boonoshin ta yookkemmi aageteenaꞌo daggoochaa ebiyoommon eeꞌe koshon maayemminaꞌone” iye.

Hosee'i 9:3

Israꞌeeleenaꞌo Doono Yeerichi showooch beetaachemminaꞌone; Gibits wottemminaꞌone; Asooree showoochaanoo eeꞌe maayoon maayemminaꞌone.

Amootsi 6:7

Ebich kecooba ittoshi shiichoo tunemmo ittoshine. Ebina gifiroon geddii ittoshi mamonaa uyona arooba echemmone.

Amootsi 7:11

Biyoo ‘Yeroboꞌami ginoochaa qitemmone. Israꞌeeleenaꞌoo boonoshi showoochee kecaa hammemminaꞌone’ ii beetone” iye.

Amootsi 8:1

Wotta Nuggishoo Doono Yeeri bare yaaꞌoona ebin taach bekkiihe. Tawoo mokkee ceeni, manjeebeeti, gaangiti michi aafoon beeggeho.

Amootsi 9:1

Doonon yaaꞌoona, deejjee gudee gaꞌooch neexeꞌi bi beetaa, beeggeho. Biyoo ishichiye: “Kechi koto bulli shuurimmi wottoon yaafee kechi guummon qice! Tiishi ne getaa, aree daggooch beeti asheenaꞌo bulli toommooch shekirebe. Aroochee echeton ta, goraadoona qecce wuxemmo taane. Boonoshi daggoochee koniyoona aashe echeyaachemmone; koniyoona muricaachemmone.

Amootsi 9:8

“Nuggishoo Doono Yeeri ta, axaaxechi taatittinee showoon manjii ciinnaabeeto taane. Ebi aroon showee toommoochee aalliyemmo taane. Tunebaani Yaaqobichi shiijjeroon ciroona aalliyaachemmo taane. Doono Yeeri ta, ebin getteto taane.

Mikiyaasi 1:16

Yihudee asheenaꞌote, ittoshi bushiisheenaꞌo kecceyemminaꞌo boonoshi tunetoyich, ebi ittoshi shuni bushiisheenaꞌoyich eefoyich ittoshi qelloon maachebote; xooroochoommon ittoshi qelloon hulloo tuniibote!

Zakaariyaasi 14:2

Doono Yeeri, Yerusaalemin boonoshi kochemmoyich, aageteenaꞌo bullin kicemmone. Katemoo yecheyemmone; kexinaꞌoo bosheyemminaꞌone; maacheenaꞌo giidoona yeshaa mecheyemminaꞌone. Katemee ashoochee qato kecaa hammemmone. Tunebaani aroochee echemmi asheenaꞌo katemoochee ciroona aalleyaachemminaꞌone.