Amootsi 7:15 - Kafa Linguistics Project

¹⁵ Tunebaani Doono Yeeri taan, gijjee hillooch dabboochee deebiꞌi, ‘Hamiree ta asheenaꞌo tuneti Israꞌeeleenaꞌoyich keemoon keembe’ iye.

Amootsi 7:15 ပူးပေါင်းရင်းမြစ်များ

2 Saameeli 7:8

“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye.

1 Taateenaꞌo 19:19

Ebina Eliyaasi aroochee tiyii hammiꞌi, Shafaaxi bushoo Elisayi aaraa gutte kashee gattoona gochii bi beetaa, ciireexi aaraa guttinnoon aroo bi qelloona gochii bi beetaa danehe. Eliyaasi aroona besheebee bi iddimoon bi toommooch duppiye.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Erimiyaasi 26:12

Erimiyaasiyoo ukkireenaꞌonaa asho bullinoyich “Ebi ittoshi waayeti qaaro bullin, hini Yeerichi yaafee kexonaa hini katemoonooch ta keemmemmoyich Doono Yeeri taan wochetone.

Amootsi 3:8

Daaheroo ciddiye; keqqaachemmo konine? Nuggishoo Doono Yeeri yibbaatehe; keemo keemaachemmo konine?

Maatiyoosi 9:9

Yesuusi aroochee besheꞌi hammiibee Maatiyoosi getteebeeti ikke uro qaraxo kucheebeeti gabberooch kotee bi beetaa ciinniꞌi, “Taan dabbibe” iye. Aroo tiyiꞌi biin dabbiye.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 4:20

No beeggetonaa no waayetonon yibbaateyaanoon cikkii qayon hakkaachone” iyeete.

Mishiraachechinaꞌo 5:20

“Hamiree yaafee kexooch neexeree, hini kashee qaaree bulli mooyon asheenaꞌoyich getote” iye.

1 Saameeli 10:11

Aroyee aaf biin ariibeeti asheenaꞌo bulli keemechinaꞌona tookkii keemmii bi beetaa beeggiꞌi, boonoshinaa boonoshina “Qiishi bushoo toommooch, shaggito amoone? Halla Saaꞌooli keemechinaꞌo daggoochee ikkoone?” iyeete.