Amootsi 6:8 - Kafa Linguistics Project

⁸ Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.

Amootsi 6:8 ပူးပေါင်းရင်းမြစ်များ

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 47:4

Bi shunniibeeti Yaaqobi yebeneebeeti, no iristoon nooch kaacciye.

Shoddo 50:12

“Alemoonaa arooch beeto bullina taacho bi tunetoyich, taan bi shaacii gaatoona neech getaache.

Shoddo 78:59

Yeeri ebin waayeꞌi oogichii kaarehe; Israꞌeelinoo ciroona qajjiye.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Erimiyaasi 12:8

Ta hajjee asheenaꞌo kubbooch beeti daaheroommon taach tunetinaꞌone; ta toommooch tiyiꞌi ciddiyeete; ebich boonoshin shixxeto taane.

Erimiyaasi 22:14

‘Ta qellich gamini kexon, kechi toommeexi ooge kexon, haggemmo taane’ ii beetoyich, mallee kelloon kichii beetoyich, yigee mixona macecikkii beetoyich, ceelle qalemoonoo huuttii beetoyich, woowo!

Erimiyaasi 22:5

Tunebaani ebi qaaroon waayo ittoshi qayigaata, hini kexo onemmo bi tunoon ta shigoona wogehoye itone’ gete” iye Doono Yeeri.

Erimiyaasi 44:26

Gibits koteti Yihudee asheenaꞌote, ebich Doono Yeerichi qaaroon waayebote; Doono Yeeri ishichiye: Gibits koteti Yihudee asho bulli ebiyee bekk ta shigoona ‘Beeyechi Nuggishoo Doono Yeeri beege’ geti bi wogeyaachemmoyich ooge ta shigoona wogeto taane.

Erimiyaasi 49:13

Botsiri wuche getteyemmo, naaggeyemmo, qixeyemmonaa ufo tunemmona bi tunoon taanna wogehoye, iye Doono Yeeri. Bi katemeenaꞌoo bulli aaboon shokkoon echemminaꞌone” iye.

Erimiyaasi 51:14

Neen boonoshi kochemmoyich, meeti gechoommi asheenaꞌon deebemmo taane; boonoshiyoo ne toommooch wudee danee cookoon cookemminaꞌone” iꞌi, Beshe Mawe Doono Yeeri bi shigoona wogetone.

Shoosho 2:5

Doono ettoon tunehe; Israꞌeeleenaꞌon aalliihe; bi taatee kexo bullin aalliihe; bi mishigeenaꞌon happiye; Yihudee asheenaꞌoyich, eefonaa shooshoonon woddiihe.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hosee'i 11:6

Boonoshi katemeenaꞌooch gino woyemmone; katemee kellee tuggeenaꞌonoo aalliyemmone; boonoshi gonde gaboochee tiyitona boonoshin maayemmone.

Leweenaꞌo 26:11

Ta beeyi xaaꞌoon ittoshi daggooch tuniyemmo taane; tawoo ittoshin tiyaareyaachemmo taane.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Amootsi 3:11

Illa ebich, etto ittoshi showoon giishi yechemmone; ittoshi mishigoon happemmone; ittoshi kexonoo boshemmone” iye Nuggishoo Doono Yeeri.

Amootsi 4:2

Nuggishoo Doono Yeeri bi yaafittinoona ishichiꞌi wogetone: “Qamaaxiroona yeshaa ittoshi hammemmi aabo shaggitone; ittoshi daggoochee koniyoona echeyaanoon haashe yeshe qamaaxiroona yeshaa hammemmo ittoshine.

Amootsi 5:21

Doono Yeeri ishichiye: “Ittoshi nati baaroon shixxaa hoxeto taane. Baaroyich ittoshi kiceyoona emiraano taane.

Amootsi 8:3

Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Yibbaatoo 32:19

“Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.