Amootsi 6:2 - Kafa Linguistics Project

² Ittoshiyoo ittoshi asheenaꞌoyich, “Eke Kalini katemooch hambote; aricheti katemoo tuneti Hamaat hambote; wotta Filsixeemeenaꞌochi katemoo tuneti Gaat hambote. Ebi areenaꞌo Yihudee showoonaa Israꞌeelee showoonoyee besheheete? Boonoshi showoo ittoshi showoyee beshehe?” iyote.

Amootsi 6:2 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

2 Saameeli 8:9

Hamaatee taatoo Tooꞌi, Daawiti Hadadezeerichi ginee naayinaꞌo bullin kochii bi wochoon waayehe.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

2 Taateenaꞌo 17:24

Asooree taatoo asheenaꞌon Baablooni, Kutaahi, Awi, Hamaatinaa Sefariwayimina getteebeeti katemoochee deebiꞌi, keccii bi daammiti Israꞌeeleenaꞌochi keroon Shamaaree showeexi katemeenaꞌooch kotiihe. Boonoshiyoo Shamaaree showoon hajjiꞌi, are katemeenaꞌooch koteheete.

2 Taateenaꞌo 17:30

Baablooneenaꞌo Sukoot Benootichi shahalloon, Kutaaheenaꞌo Nerigalichi shahalloonaa Hamaateenaꞌo Ashiimichi shahalloonon shuuneheete;

2 Taateenaꞌo 18:34

Hamaatinaa Arifaadinochi nuggisheenaꞌo, aayeete? Sefariwayimi, Heeninaa Iwaahinochi nuggisheenaꞌo, aayeete? Shamaarin ta kishoochee wodiiteete?

2 Taateenaꞌo 19:13

Hamaati taatoo, Arifaadi taatoo, Sefariwayimi taatoo, Heeni taatoonaa Iwaahi taatoona, aayeete?’ getote” iye.

2 Kiinoo 26:6

Uziyaahi hammiꞌi, Filsixeemeenaꞌona koyehe. Gaati uxeroon, Yabineehi uxeroonaa Ashidoodi uxeroonon happiye. Ashidoodi gaꞌooch beeti showoonaa Filsixeemee showoonoochoo katemeenaꞌon shuunehe.

Erimiyaasi 49:23

“Damaasiqi katemeechon gonde mooyon boonoshi waayetoyich, Hamaatinaa Arifaadina geewitinaꞌone; keqqoonoo ciiretinaꞌone; shiwureebeeti baharoochoommon waagwaagiyemminaꞌone.

Naahoomi 3:8

Nanawi katemeene, ne, Abbaayi aachi gaꞌooch beeti, bi guudoona aaco beeti, baharo bi deebo, aacoo bi xaqqee uxeroo tuneti, Tebeesi katemeyee beshenne?

1 Saameeli 17:23

Boonoshina tookkii yibbaatee bi beetaa, Gaatee waati, Filsixeemechi ginee anaamo, biyoo Gooliyaadi, ginechinaꞌo daggoochee aaf giddeꞌi ebiyee aafichoommon andoo yibbaatehe. Daawitiyoo ebin waayehe.

1 Saameeli 17:4

Gaatee waati, bi neexo shiritte hiraa ciixon tuneti, Gooliyaadi getteebeeti, aricheti ginee anaamo Filsixeemeenaꞌo kaamboochee kechiye.

1 Saameeli 5:10

Ebich Yeerichi taabootoon Filsixeemeenaꞌochi bare katemoo tuneti Eqiroon daachiiheete. Tunebaani Yeerichi taabooto Eqiroon waammona, are katemeexi asheenaꞌo “Israꞌeelee Nuggishoochi taabootoon no waan boonoshi deebito, noonnaa no asheenaꞌonon wuxii aalliyoyichiye” iꞌi cookiyeete.

1 Saameeli 5:8

Ebina Filsixeemee taateenaꞌo bullin boonoshi waan ceeggii ikkooch kiciꞌi, “Israꞌeelee Nuggishoochi taabootoon aabichibona?” iyeete. Boonoshiyoo “Israꞌeelee Nuggishoochi taabootoon Gaat daambote” iyeete. Ebich Israꞌeelee Nuggishoochi taabootoon Filsixeemeenaꞌochi bare katemoo tuneti Gaat daammiyeete.