Amootsi 6:13 - Kafa Linguistics Project

¹³ Lodebaari katemoon ittoshi yechitoyich geecoona ciixeebeeto ittoshine; wotta “Qarinayimi katemoon no yecheto no giidoonane” ii beeto ittoshine.

Amootsi 6:13 ပူးပေါင်းရင်းမြစ်များ

2 Taateenaꞌo 13:25

Aroochee Yoꞌakaazi bushoo Yehoꞌashi bi nihoo Yoꞌakaaz waanee Hazaheeli koyeꞌi deqqiti katemeenaꞌon Hazaheeli bushoo Been Hadaad waanee wochinnoon kochii yechiye. Yehoꞌashi keejje wottoon biin kochiꞌi Israꞌeelee katemeenaꞌon wochiye.

2 Taateenaꞌo 14:25

Israꞌeelee Nuggishoo Doono Yeeri Amitaayi bushoo, Gaat Hefeeri katemee asho, keemechi Yoonaasina bi gettitoommon, Hamaati katemooch beshe kaattoochee Kiikki baharooch beddaahaa beeti Israꞌeelee showoon wochiihe.

Iyoobi 31:25

shuunaa ta danetona, ta gaannee woddoona, geecaa ariyaano taane.

Iyoobi 31:29

“Taan shixxiibeeto toommooch aallo shagaa emiraano taane; gonde mooyo biin yeshaa emiroona wucwucaano taane;

Iyoobi 8:14

Boonoshi gibeneebeeto wodiyaani mooyoniye; mulloon boonoshi tooꞌiibeeto dooyidabbee woshiqee kexoommi mooyoniye.

Iyoobi 8:15

Boonoshi kexon dege neexemminaꞌone; tunebaani kexo manji neexeyaachemmone; manjii yechemminaꞌone; tunebaani boonoshin degi neechaachemmone.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 75:4

Geecechinaꞌon ‘Cooddaahote’ gondeenaꞌon ‘Ittoshi qaroon damba tiijjiyaahote;

Shoddo 75:5

ittoshi qaroon damba shimaajj tiijjiyaahote; ittoshi qettimixon ciixibee yibbaateyaahote’ gettemmo taane” iye.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Isiyaasi 7:4

Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Isiyaasi 8:6

“Hini asheenaꞌo nibboona wocciibeeti Salihoomi aacinaꞌon qajjiichii, Resininaa Remaliyichi bushoona boonoshi emiritoyich

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Hiziqeeli 29:9

Gibitsee showoo shokkaachoonaa amolla aalloona tunemmone; ebiyooba boonoshiyoo Doono Yeeri ta tunoon ariyemminaꞌone. “ ‘Ebiyoo “Abbaayi aaco taachone; ebi aacon shuuneto taane” ne itoyichiye.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Yoonaasi 4:6

Arooba Nuggishoo Doono Yeeriyoo boto colle dici yiiroo tuneree, bi xuuxoochee biin bi kashiyemmoyich tuniihe. Yoonaasiyoo ebi botoyich oogeton emiriye.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Zakaariyaasi 1:19

Taanna tookkii yibbaateebeeti maraakoyich “Ebi qaro amoone?” iyo. Biyoo “Yihudee showoon, Israꞌeelee showoonaa Yerusaaleminon shacciti qaroone” iꞌi taach wochiye.

Yowannisi 16:20

Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Yaaqobi 4:16

Tunetaa and ittoshi qelloon oogiibee geeciibeeto ittoshine; ebiyoommi geecee yibbaatoo bulli gondoone.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

Woraaferasheenaꞌo 9:27

Boonoshiyoo boonoshi woyinee goyo beetooch hammii, woyinee aafoon maciꞌi woyinee uyoon duuchiyeete; baaroonoo baariyeete; boonoshi nuggishoochi yaafee kexooch hammiyeete; aroochaanoo maa uchiyeete; Abimeleekinoo naaggiyeete.

1 Saameeli 4:5

Doono Yeerichi wogee taabooto boonoshi beetooch bi shaggimmona, Israꞌeeleenaꞌo bulli oogichiꞌi ililiyeete; showoo shuuriye.