Amootsi 5:7 - Kafa Linguistics Project

⁷ Dayinnetoon dabiibeeti, cadiqoon showooch duppiibeeti ittoshich woowo!

Amootsi 5:7 ပူးပေါင်းရင်းမြစ်များ

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Shaahiyoo 21:7

Tate mooyon tuniyoon boonoshi qajjitoyich, gonde asheenaꞌon boonoshi xuꞌo hidi aalliyemmone.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 10:1

Girechon aalloo (gooroo) mucciyoyich, iritechi ta asheenaꞌochi nalloon shappayoyich, xuumeenaꞌonaa nihaalleenaꞌonon bogoyich, dabe dayinnetee sheeroon kichii beetinaꞌoyich, xuꞌoona ceenniti qociyoon kichii beetinaꞌoyich woowo!

Isiyaasi 46:12

“Iberoochee wokkiti babbereenaꞌote, ta waanee waayebote.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Hiziqeeli 18:24

“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hiziqeeli 33:18

Cadiqe asho bi cadiqee shuunoochee wotteꞌi, axaaxoon bi shuunegaata bi shuuneti axaaxee naboona qitemmone.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Amootsi 2:3

Boonoshin qeejjii beetonaa iraasheenaꞌo bullinon wuxi ciichemmo taane” iye Doono Yeeri.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Mikiyaasi 3:9

Dayinnetoon shixxiibeeti, kaame mooyo bullin xummiibeeti, hini Yaaqobi asheenaꞌochi ukkireenaꞌote, Israꞌeeleenaꞌochi iraasheenaꞌote, ebin elle waayebote.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Yibbaatoo 29:18

Ebi aageteenaꞌo nuggisheenaꞌoyich goyinne maddeya, hanaach bi mulloon no Nuggishoo Doono Yeer waanee bara wochiti asho, anaamo woyee maachee woyee ashi yaroo woyee yoodo bi beetaachemmoyich, xiishibote. Ebi bi beegaata, caammiibeeti, xuppattoon tuneya dicciibeeti michi cammoommone.