Amootsi 5:5 - Kafa Linguistics Project

⁵ Taan qaawiree Beeteel hammaahote; Galigaloo giyaahote; Beershaaboo beshe hammaahote. Galigali asheenaꞌo iberoon kecaa hammemminaꞌone; Beeteeliyoo tiishemmone” iye.

Amootsi 5:5 ပူးပေါင်းရင်းမြစ်များ

Halloo 21:31

Gutteenaꞌo wogoon boonoshi giyiti xaaꞌoo bi tunetoyich, ebi xaaꞌoo, Beershaabi getteehe.

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

Halloo 26:23

Aroochee Yisaaqi Beershaab kechiye.

Halloo 26:33

Biyoo ebi aachi oppoon, Shaabi ii ceeggiye. Ebich are katemee shigo hanaach beddaahaa, Beershaabi getteehe.

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 12:29

Ikkoon Beeteel, wotta ohe ikkoon Daan neechiye.

2 Taateenaꞌo 23:8

Qeesheenaꞌo bullin Yihudee katemeenaꞌoochee Yerusaalem deebiye. Geebee tiijjii Beershaab beddaahaa beeti, qeesheenaꞌo ixaanoon shookkiibeeti guudi toommeexi goyinnee xaaꞌeenaꞌo bullin eeꞌiihe; katemee iraashoo Yaasi shuuniiti katemee kellee gaꞌooch, ebi kellee yooche badd, beeti goyinnee xaaꞌeenaꞌon happiye.

Iyoobi 8:22

Neen shixxii beetinaꞌo yeelleree ceellemminaꞌone; axaaxeenaꞌo kexo tiishemmone” iye.

Shoddo 33:10

Doono Yeeri aageteenaꞌochi yamoon duubo tuniyemmone; macceenaꞌochi gaboonoo guuppemmone.

Isiyaasi 29:20

Maacmanjeenaꞌonaa cooqqirechinaꞌona aallemminaꞌone; gonde shuunechinaꞌo bulli hidaa aallemminaꞌone.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Hosee'i 12:11

Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Hosee'i 9:15

Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.

Amootsi 1:5

Damaasiqi katemee uxeree kellee tuggoon tiichemmo taane; Aweeni bamboochee taatoon, Beet Edenee taatee gumbo yechiton aalliyemmo taane. Sooriyeenaꞌo Qiiree showooch kecaa hammemminaꞌone” iye Doono Yeeri.

Amootsi 3:14

“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.

Amootsi 4:4

Doono Yeeri ishichiye: “Israꞌeeleenaꞌote, akehe, cikki Beeteel beeti goyinnee xaaꞌooch hamiree axaaxoon shuune beebote! Galigal hamiree ittoshi hakkimmi wottoon axaaxoon shuune beebote! Maaddi maaddoona deejjee gijjoon, keejj keejje qemona asraatoon giddii beebote!

Amootsi 7:10

Beeteeli beeti yaafee kexooch qeeshee guudo tuneti Amasiyaasi Israꞌeelee taatoo Yeroboꞌam waan wochoon daachiiꞌi ishichiye: “Amootsi Israꞌeeleenaꞌo daggooch tuneechii ne toommooch kocee beetone. Ebi showoon xafiibeeti bi yibbaatoon kootiito aalloone.

Amootsi 7:13

Tunebaani Beeteeli, taatee goyinnee xaaꞌoonaa taatee showee yaafee kexona bi tunetoyich, guttinnoon hiniichaa keemoon keemmaahine” iye.

Amootsi 7:17

Illa ebich Doono Yeeri ishichiye: ‘Ne mechee katemee daggooch yahechi tunemmine. Ne anaami bushiishoonaa maache bushiishoona ginoochaa qitemminaꞌone. Ne showoo woderoona qoodaa ashich ichemmone. Newoo yaafeyaani showoochaa qitemmo neene. Iberoon, Israꞌeeleenaꞌoo boonoshi showoochee kecaa hammemminaꞌone’ itone” iye.

Amootsi 7:9

Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

1 Qorontoosi 1:28

“Hini showee toommooch beeteete” getteeti mooyinaꞌon aalliyoyich, Yeeri hini alemeexi ashi gaboochaa hoxeeꞌi duppeti mooyinaꞌonaa batteeti mooyinaꞌonon kaacciye;

1 Qorontoosi 2:6

Kiristoosi toommooch mullee tooꞌiyoona kupphetinaꞌo daggoochaa no yibbaataabeeto, ibere shalligoonalli, hini showeexi ashi shalligoon woyee boonoshi oogoochee kindemmi hini showee iraasheenaꞌochi shalligoon toonoone.

Yibbaatoo 28:41

Anaami bushiishoonaa maache bushiishoonon shiyemmo neene; tunebaani kecaa hammemminaꞌo boonoshi tunetoyich, neech tuneyaachemminaꞌone.

Yaasi 5:9

Aroochee Doono Yeeri Yaasich “Gibits guunon tuneꞌi beemo yeelloone. Tunebaani hanaach ebi are yeelloon ittoshi toommoochee shootteto taane” iye. Ebina ebi are xaaꞌee shigo hanaach beddaahaa Galigali getteehe.

1 Saameeli 11:14

Aroochee Saameeli asheenaꞌon “Ittoshi waataa Galigala hamiree Saaꞌooli taatoo tunoon manjiibone” iye.

1 Saameeli 7:16

Biyoo nati natona Beeteeli, Galigalinaa Mitsiphinooch guuddiꞌi, arooch beeti Israꞌeeleenaꞌon nallii qeejjii beehe.

1 Saameeli 8:2

Bi gutenee bushoochi shigo Yoꞌeeli tunemmona, bi guuchoochi shigo wotta Abiyi getteehe. Boonoshiyoo Beershaab tuneꞌi nallii qeejjii beeheete.