Amootsi 5:4 - Kafa Linguistics Project

⁴ Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Amootsi 5:4 ပူးပေါင်းရင်းမြစ်များ

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 20:3

Yoshafaaxiyoo oogichii shattiye. Doono Yeeri biin gaachemmoyich qaawiꞌi, bi waan corootiye; Yihudee showoo bulliich coomoon awaajjiye.

2 Kiinoo 20:4

Yihudee katemoo bulliichee asheenaꞌo Doono Yeeri boonoshin bi gaachemmoyich corootiya, ikkooch kiceeheete.

2 Kiinoo 34:3

Bi taateti shimittinnee natooba, batt busheebee, bi qaabbechi Daawitichi Nuggishoyich maddooch giyiye. Aaraa guttinnee natooba, Yihudee showoonaa Yerusaaleminon guudi toommeexi goyinnee xaaꞌeenaꞌoochee, Asheeri misileenaꞌoochee, qiicaa shuuneeti nuggisheenaꞌonaa ukkaa shuuneeti misileenaꞌonoochee xalliyooch giyiye.

Shoddo 14:2

Shalligecho, Yeerinoo qaawiibeeto beegaata beegoyich, Doono Yeeri shimaayoochaa dugilla ashi bushiisheenaꞌo waan ciinniye.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 27:8

Newoo, “Taan qaawibote” iyine; Doono Yeero, ta mullo “Neen qaawemmo taane” iye.

Shoddo 69:32

Xukketinaꞌo ebin beegiree emiremminaꞌone; Yeerich qeyitinaꞌote, ittoshi mullo goggebe.

Shoddo 69:33

Ebiyoo Doono Yeeri iriteetinaꞌochi cookoon bi waayee beetoyich, cuyooch beeti bi asheenaꞌon hoxeyaano bi tunetoyichiye.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Erimiyaasi 38:20

Erimiyaasi ishichiye: “Boonoshich beshiitaa icheyaachemmo neene; neech ta gettemmi Doono Yeerichi qaaroyich deꞌa gete; neech diggoo tunemmone; ne kasho muriccemmone.

Hiziqeeli 18:9

ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Maatiyoosi 7:8

Yeeri biin qolleebeeto bullich immemmone; qaawiibeeto bulliyoo bi waanee danemmone; bi kelloon qoppiibeeto bullichoo qechemmone.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Yibbaatoo 4:29

Tunebaani aroochaa ittoshi Nuggishoo Doono Yeer waan corootemmo ittoshine. Ceeni ittoshi mulloonaa ceeni ittoshi kashoona bi waan ittoshi corootigaata, biyoo ittoshi qolloon waayemmone.