Amootsi 5:15 - Kafa Linguistics Project

¹⁵ Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Amootsi 5:15 ပူးပေါင်းရင်းမြစ်များ

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

1 Taateenaꞌo 20:31

Bi naayinaꞌoo biich, “Israꞌeelee taateenaꞌo maarechinaꞌo boonoshi tunoon waayeto noone. No shimetooch dookoon marixxiree, no qettoochoo woderoon caaciree, Israꞌeelee taatoo waan hambone. Diqqich ne kasheen wodiyemmone” iyeete.

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Shoddo 119:104

Ne sheeroochee shalligoon doyiyoye; ebich kootee gommon shixxehoye.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 37:27

Gondoochee wohe; gaawe mooyonoo tuniibe; bulli yemeenoon beeyemmo neene.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 97:10

Doono Yeeri gondoon shixxii beetinaꞌon shunniye; bi yaafeenaꞌochi kashoon quyehe; gondoochi kishoochee boonoshin wodiihe.

Keyo 32:30

Dechara Muusi asheenaꞌoyich ishichiye: “Oogeti gonde axaaxoon shuuneto ittoshine. Tunebaani and Doono Yeer waan kechemmo taane; diqqich ittoshi axaaxoyich maaroon daniyemmo taane” iye.

Erimiyaasi 18:8

biichon ta getteti ebi aagetee showoo bi gondoochee bi wottegaata, bi toommooch tuniiya ta gabiti gonde mooyon tuniyaachemmo taane.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 31:7

Ebich Doono Yeeri ishichiye: “Yaaqobich emiroona shoddebote; aageteenaꞌochi ukkiroyich ililibote; awaajjibote; galletebote; ‘Doono Yeeri bi asho tuneti Israꞌeelee curoon wodiitone’ getote.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Daaneeli 2:49

Daaneeli taatoon echetaa taatoo, Sidiraaqin, Misaaqinaa Abidinaginon Baabloonee showooch iraashiihe. Tunebaani Daaneeli taatee kexooch beehe.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Amootsi 5:10

Ittoshi, nallee gabberoochaa ittoshin kaaree ciiccii beetinaꞌon shixxiyote; iberoon yibbaatee beetinaꞌon ciigehote.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Amootsi 7:3

Ebich Doono Yeeri bi gaboon shaddiꞌi, “Ishigaata, illa ebi ne beeggeti mooyo tuneyaachemmone” iye.

Yoonaasi 1:6

Markabechinaꞌochi ukkiroo bi waan hammiꞌi, “Aabichaa tokketenne? Tiyiree ne nuggishoon ceege; diqqich nooch ariqqeree aalloochee noon wodiyemmone” iye.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Mikiyaasi 2:12

“Curo tunee echeti Israꞌeeleenaꞌote, bago bi dogooch, bageenaꞌoo gaddooch kiceyoommon ittoshin ikkooch kicemmo taane. Ittoshi showooch wochinnoon asho ceennemmone” iye.

Mikiyaasi 3:2

Ittoshiyoo deꞌoon shixxiichii gondoon shunniyote; ta asheenaꞌochi gooqqoon gaxxiyote; boonoshi meenon shaawushoochee maaccii kichiyote.

Mikiyaasi 5:3

Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 7:22

Maaci ta mulloona Yeerichi sheeroona emiraabeeto taane.

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

3 Yowannisi 1:11

Ta shunechocho! Deꞌeenaꞌon shaahiballi gondeenaꞌon shaahiyaahine. Deꞌoon shuuneebeeto Yeer magechone; gondoon shuuneebeeto Yeerin beegaanoone.