Amootsi 5:12 - Kafa Linguistics Project

¹² Ittoshi axaaxoo am shaahoon bi woddeto gaata, ittoshi gondo am shaahoon bi maggeto gaatoo, ariibeeto taane. Cadiqeenaꞌon xuqqiyote; xuccoon maahote; nallee gabberoochaa girechinaꞌo nalloon daneyaachemmoyich tuniihote.

Amootsi 5:12 ပူးပေါင်းရင်းမြစ်များ

Iyoobi 20:19

Ebiyoo girechon shiqqiiꞌi bi xuqqitoyich, bi hagaani ashi kexon boggii bi deqqitoyichiye.

Iyoobi 31:21

nallee gabberoochaa taan gaachemmo beemon ta ariitoyich, nihaalloon shatiito ta gaata,

Shoddo 127:5

Meeti bushiishechi asho diireetone; bi etteenaꞌona tookkii addibaaboochaa bi gajjiteehooba yeelleyaache.

Keyo 23:3

Nalloochaa girechoyich dabiiree nalliyaahine.

Keyo 23:6

“Nallee gabberoochaa dayinnetoon dabiiree, girecho mooyon xummiyaahine.

Shaahiyoo 17:8

Ikkikke asheenaꞌoyich xucco kaayoon kaayiyoommone; boonoshi hammimmo bulliichaa mooyo boonoshich kaamehe.

Shaahiyoo 22:22

Girecho bi tunetoyich girechon boggaahine; iritechon nallee gabberoochaa xuqqaahine.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Erimiyaasi 29:23

Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.

Shoosho 3:34

Showoochaa qoppeenaꞌo bulli baatee dechiich neexxee gaata,

Hiziqeeli 13:22

Gibeno ta kuchiyaani cadiqe ashoon kootoon koottiꞌi gibeno kuchiito ittoshine; axaaxecho bi gondoochee wotteree bi wodaachemmoyich biin kupphiito ittoshine.

Hosee'i 5:3

“Efreemin ariibeeto taane. Israꞌeelichi mooyo taach aacheeto toonoone. Illa and, Efreemo, yahito neene. Israꞌeeliyoo eeꞌetone.

Amootsi 2:16

Ebi arooba mulli kuppho tuneti ginee naayolla bi ginee qiicoon dufiichi woccemmone” iye Doono Yeeri.

Amootsi 2:3

Boonoshin qeejjii beetonaa iraasheenaꞌo bullinon wuxi ciichemmo taane” iye Doono Yeeri.

Amootsi 5:10

Ittoshi, nallee gabberoochaa ittoshin kaaree ciiccii beetinaꞌon shixxiyote; iberoon yibbaatee beetinaꞌon ciigehote.

Amootsi 5:7

Dayinnetoon dabiibeeti, cadiqoon showooch duppiibeeti ittoshich woowo!

Amootsi 8:4

Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 7:3

Boonoshi kishoo gonde mooyon tuniyoon doyitone; ukkireenaꞌonaa nallechinaꞌona xuccoon maaheete; gijjechi asheenaꞌo boonoshi qaawiton gettii waayiiheete; ebina ikkotteꞌi koceeheete.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Yibbaatoo 16:18

Muusi Israꞌeeleenaꞌoyich ishichiye: “Ne Nuggishoo Doono Yeeri neech bi immimmi katemoo bulliich, ne yoodi yoodoyich, woraaferasheenaꞌonaa bare iraasheenaꞌonon ukkiriibe. Boonoshiyoo asheenaꞌochi toommooch kaachi nallibeete.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.

Ruuti 4:1

Boꞌaazi katemee uxeree kellooch beeti, asheenaꞌo kiceebeeti iitee xaaꞌooch hammii kotehe. Biyoo Ruutich “Tayee beshoon katini xiboo beetone” bi iti uro beshee beetaa beeggiꞌi, “Ta manoocho, hiniich waaree kotebe” iye. Uroo waa kotehe.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.