Amootsi 5:11 - Kafa Linguistics Project

¹¹ Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Amootsi 5:11 ပူးပေါင်းရင်းမြစ်များ

Iyoobi 20:19

Ebiyoo girechon shiqqiiꞌi bi xuqqitoyich, bi hagaani ashi kexon boggii bi deqqitoyichiye.

Isiyaasi 16:10

Emiroonaa wucwucona aafeebeeti goyee budoochee wokkitone; woyinee budoochaanoo shoddoon shoddoonaa ililoona echetone; woyinee aafoon oppoochaa hiicciibeeto aalloone; boonoshi shoddee qaaroon Yeeri aalliitone.

Hiziqeeli 26:12

Ne gaannoon keccemminaꞌone; ne giixee qiicoon boggemminaꞌone; ne xaqqee uxeroon dichemminaꞌone; ne emiriibeeti ne kexinaꞌon happemminaꞌone; ne xaqqeenaꞌon, ne mixinaꞌonaa ne buriceenaꞌonon baharee daggooch duppemminaꞌone.

Hiziqeeli 34:21

Hakka guute bageenaꞌon ittoshi naaboona wottoo ittoshi gogoona ittoshi xuqqii beetoyich, hakka guuteenaꞌon ittoshi qareenaꞌona ittoshi kochii beetoyich, boonoshinoo ittoshi shaccii beetoyich,

Hosee'i 9:2

Maayi buchi xaaꞌoo maayoon, woyino hiicheebeeti oppo woyinee uyoon ittoshich imaachemmone. Andire woyinee uyo ittoshich daneyaachemmone.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Amootsi 2:6

Doono Yeeri ishichiye: “Israꞌeeleenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo cadiqe asheenaꞌon boonoshi hiishoyich, girechinaꞌonoo caammoyicha iꞌi, guuchittinooch boonoshi kemmitoyichiye.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Amootsi 3:15

Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 6:11

Doono Yeeri getaa ogooge kexonaa gishiishi kexona tiisheree burico tunemmone.

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Amootsi 8:4

Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Mikiyaasi 1:6

Ebich Doono Yeeri ishichiye: “Shamaarin xalle gaddooch beeti xaqqee gutoon tuniyemmo taane; woyino becheebeeti xaaꞌoon tunemmone. Bi xaqqeenaꞌon bambooch gederikkemmo taane; dechi bi hecoonoo happemmo taane.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Mikiyaasi 6:15

Yaroon shookkemmo ittoshine; tunebaani maayoon maci giijjaachemmo ittoshine. Zayitee michi aafoochee zayitoon hiiccemmo ittoshine; tunebaani ittoshi achooch huuteyaachemmo ittoshine. Woyinoon hiiccemmo ittoshine; tunebaani woyinee uyoon uyaachemmo ittoshine.

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.

Milikiyaasi 1:4

Edoomee asheenaꞌo diqqich “No katemeenaꞌo boonoshi happeetaanona wochi shuunemmo noone” gettemminaꞌone. Tunebaani Beshe Mawe Doono Yeeri ishichiye: “Shuunemminaꞌone; tunebaani ta happemmo taane. Asheenaꞌo boonoshi showoon ‘Xuꞌee showoo’ boonoshinoo ‘Doono Yeeri bulli yemeenoon kaareti asheenaꞌo’ gettemminaꞌone” iye.

Yibbaatoo 28:30

“Mecheen shaagga maakkiyemmo neene; tunebaani baroo daamiree biin qeyemmone. Kexon haggemmo neene; tunebaani arooch beetaachemmo neene. Woyinoon bechemmo neene; tunebaani bi aafoon maataachemmo neene.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?