Amootsi 4:7 - Kafa Linguistics Project

⁷ “Ittoshi maayo qecceyoyich batt keejje ageno echeechaa, amiyo dihaachemmoyich tuniihoye. Ikke katemooch bi dihemmoyich tuniichaa bare katemoochee aalliihoye. Ikke showooch dihiye; tunebaani dihaanoon bi qajjiti showoo shuuqqiye.

Amootsi 4:7 ပူးပေါင်းရင်းမြစ်များ

Keyo 10:22

Muusiyoo bi kishoon shimaajj yaggiye. Keejje qemi wottoon Gibitsee showoo bulliich dunne manderoo tunehe.

Keyo 10:23

Ebi keejje qemi daggooch ikkoo baroon beegon woyee bi beeti xaaꞌoochee shuuroon hakkaanoone. Tunebaani Israꞌeeleenaꞌo beeti xaaꞌoo bulliich bekko beetone.

Keyo 8:22

Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone.

Keyo 9:26

Israꞌeeleenaꞌo beeti Gooshenee showooch baach baderoo kindaanoone.

Keyo 9:4

Tunebaani Doono Yeeri ta, Israꞌeeleenaꞌochi gijjeenaꞌonaa Gibitseenaꞌochi gijjeenaꞌonon bariyemmo taane. Ebich Israꞌeeleenaꞌocho tuneti amee gijjona qitaachemmone” itone’ gete” iye.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 14:3

Aricheti bi asheenaꞌo boonoshi maddechinaꞌon aacooch wocheheete; boonoshiyoo aacooch hammiyeete; tunebaani aacon mucceheete; boonoshi qiicoon shokkoon yechiꞌi wotteheete; yeelleheete; cooneeheete; boonoshi aafoon qoreddoona qeriyeete.

Erimiyaasi 14:4

Showooch amiyo dihoo bi qajjitoyich, showoo gaahetoyich, goyechinaꞌo yeelleheete; boonoshi aafoon qoreddoona qeriyeete.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Zakaariyaasi 14:17

Showee toommeexi aageteenaꞌo bulli Taatoo, Beshe Mawe Doono Yeerich goyinnoyich Yerusaalem womo boonoshi qayigaata, amiyo boonoshich dihaachemmone.

Yowannisi 4:35

Ittoshi ‘Batt maayi qecoyich awudde ageno echete’ ii beetaachote? Ittoshich gettoye: Gocheti maayoon manjii ciinote; maayo qecceya bedditone.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?

Yibbaatoo 11:17

Ebin ittoshi tuniigaata, Doono Yeeri kaaro ittoshi toommooch cufemmone. Biyoo amiyo dihaa showoo maayoon bi shakkiyaachemmoyich shimaayoon hiccemmone. Doono Yeeri ittoshich immiibeeti gaawe showoochee kaateree aallemmo ittoshine.

Yaaqobi 5:17

Eliyaasi noonoommi ashoone; amiyo dihaachemmoyich kupphiiꞌi corootiye; ebich Israꞌeelee showooch keejje nattaa shiritte agenoon amiyo dihaanoone.

Yaaꞌoo 11:6

Eboshi keemoon boonoshi keemmiibeeti aabooba, “Amiyo dihaaye” iꞌi shimaayoon hicoyich hakkoo boonoshich beetone; boonoshi shunnitoommon boonoshi qaawimmi areddoo bullin aacon damoo tuniyoyich, showee toommooch beetinaꞌonoo naxo bullina shooddiyoyich hakkoo boonoshich beetone.