Amootsi 4:2 - Kafa Linguistics Project

² Nuggishoo Doono Yeeri bi yaafittinoona ishichiꞌi wogetone: “Qamaaxiroona yeshaa ittoshi hammemmi aabo shaggitone; ittoshi daggoochee koniyoona echeyaanoon haashe yeshe qamaaxiroona yeshaa hammemmo ittoshine.

Amootsi 4:2 ပူးပေါင်းရင်းမြစ်များ

Shoddo 89:35

Ta yaafittinoona ikke wottoon ta wogetoyich, Daawitich kootaachemmo taane.

Shoddo 89:36

Bi shiijjeroo bulli yemeenoon beeyemmone; bi taatee qeenoo aaboochoommon ta aafooch beeyemmone.

Isiyaasi 37:29

Ta toommooch ne nagixoonaa ne geecoona ta waamooch bi giyitoyich, ne muddooch tuutoon, ne kookkooch lugaamoon gediree, ne waati boochoona neen wochemmo taane’ itone.

Erimiyaasi 16:16

Doono Yeeri ishichiye: “Meeti haashe yesheenaꞌon deejjemmo taane; boonoshiyoo boonoshin yechemminaꞌone; aroyee gubboo meeti aaddeenaꞌon deejjemmo taane; boonoshiyoo guudo bulliichee, geppoo bulliichee, xaqqee gaaho bulliichee boonoshin dabbe yechemminaꞌone.

Hiziqeeli 29:4

Ne gammooch qamaaxiroon geddemmo taane; ne aacinaꞌooch beeti haasheenaꞌon ne achoona xaaqqemmo taane; ebi haasheenaꞌo bulli ne achooch boonoshi yeshetoommona ne aacinaꞌoochee neen geechi kichemmo taane.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 38:4

Ne gammooch qamaaxiroon gediree neen, ne ginee naayinaꞌon, ne haresheenaꞌonaa ne hareshechinaꞌonon, koyooba taheebeeti tahoon tahetinaꞌo bullin, ooge gaachoonaa giishi gaachoonon yechiton, goraadoonoo yechito bullin gubb wochemmo taane.

Amootsi 6:8

Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.