Amootsi 4:13 - Kafa Linguistics Project

¹³ Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.

Amootsi 4:13 ပူးပေါင်းရင်းမြစ်များ

Iyoobi 9:7

Biyoo, aabe keyaachemmoyich, xojjeno aaxxeyaachemmoyichoo, tunii beetone.

Shoddo 135:7

Showee tuggoochee quboon qubiihe; amiyoo dihiyooba xeeyoon xeejjiihe; yongoon bi gotoochee kichiye.

Shoddo 139:2

Ne, ta timonaa ta kotoonon ariihine; ta gaboo bullin wohoochaa ariihine.

Shoddo 147:18

Bi qaaroon bi deejjaa baderoo muujjiye; bi yongoon bi yongiitaa aaco wocciye.

Shoddo 65:6

Ne giidoona guudinaꞌon manjiito neene; hakkoonoo ginee qiicoochoommon cuyeto neene.

Keyo 10:22

Muusiyoo bi kishoon shimaajj yaggiye. Keejje qemi wottoon Gibitsee showoo bulliich dunne manderoo tunehe.

Keyo 14:20

Bi neexeto, Gibitseenaꞌonaa Israꞌeeleenaꞌonochi gutte daggoochiye. Qubo Gibitseenaꞌo beeto waan manderoo tuneechii, Israꞌeeleenaꞌo beeto waanaa bekko tunee beehe. Ebich aroobee xumo bullin Gibitseenaꞌonaa Israꞌeeleenaꞌona ikkoo baroo waan katinon hakkaanoone.

Isiyaasi 40:12

Aacinaꞌon bi kishee koppoona, shimaayoonoo bi kishee ciixona, showee buttoonoo qiicooch geddiꞌi qeelleto, konine? Guudinaꞌonaa geppeenaꞌonon machoona qoccito konine?

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 47:4

Noon Biishee Wodiyechi Israꞌeelee Yaafoo, bi shigo Beshe Mawe Doono Yeerine.

Isiyaasi 48:2

‘Yaafe katemee asho noone; bi shigo, Beshe Mawe Doono Yeeri tuneti, Israꞌeelee Nuggishoon gibeneebeeto noone’ ii beetinaꞌote, waayebote:

Isiyaasi 5:30

Arooba baharee buugoommon ebi aree toommooch buugemminaꞌone; koniyoona showooch bi ciinigaata, manderoonaa xuuxoonon beeggemmone; qubee naboona bekko manderemmone.

Erimiyaasi 10:13

Bi qaaroon bi waayiimmona aacinaꞌo gumoyee dambaa gugiyeete; biyoo showee tuggoochee qubo qubemmoyich tuniihe; amiyo dihiyooboo xeeyoon xeejjiihe; yongoonoo bi kicee xaaꞌoochee kichiye.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Erimiyaasi 46:18

“Beeyecho ta tunoona wogehoye, iye bi shigo Beshe Mawe Doono Yeeri getteebeeti Taatoo, guudinaꞌo daggooch beeti Taaboori guudoommo, baharee gashooch beeti Qermeloosi guudoommo, woyemmone.

Erimiyaasi 51:16

Bi qaaroon bi waayiimmona aacinaꞌo gumoyee dambaa gugiyeete; biyoo showee tuggoochee qubo qubemmoyich tuniihe; amiyo dihiyooboo xeeyoon xeejjiihe; yongoonoo bi kicee xaaꞌoochee kichiye.

Erimiyaasi 51:19

Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 2:30

Ebi aacheeti mooyo taach gaxxeeꞌi bi bekketo, ashoyee beshe shalligecho ta tunetoyich tuneyaanoon, ne gumo ama geto gaata ne ariyemmoyich, wotta ebi wochii wochii ne gabiibeeti mooyonoo ne ariyemmoyichiye.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Amootsi 3:13

Illa ebin waayeree Yaaqobi shiijjereenaꞌo toommooch miixebote” iye Beshe Mawe Nuggishoo Doono Yeeri.

Amootsi 5:27

Ebich, Damaasiqi katemoyee beqach beeti showooch kecee ittoshi hammemmoyich tuniyemmo taane” iye bi shigo Beshe Mawe Doono Yeeri getteeti, Doono Yeeri.

Amootsi 5:8

Fileyadeesinaa Oriyoonina getteebeeti xojjeneenaꞌon hallito, dunne manderoon hariibeeto, hariton xumiibeeto, baharee aacon wochiꞌi, showee toommona bi taheyemmoyich tuniibeeto, giidechinaꞌo toommooch aalloon deebiꞌi, boonoshi mishigoon happii aalliibeeto, bi shigo Doono Yeerine.

Amootsi 6:8

Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Amootsi 9:6

Bi kexon damba shimaayooch haggito, shimaayoon kechi aafoommon showee toommooch neechito, baharee aacon wochiꞌi, showee toommona bi taheyemmoyich tuniibeeto, bi shigo Doono Yeerine.

Mikiyaasi 1:3

Illa ebiyoche, Doono Yeeri bi beeyi xaaꞌoochee waa beetone; kindiree guudi toommona shaaddemmone.

Imbaaqoomi 3:19

Nuggishoo Doono Yeeri taach giidoon immii beetone; ta baatoon doollee baatoochoommon kupphiyemmone; guudi toommoochoo wocona ta kechemmoyich tuniyemmone.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Maatiyoosi 9:4

Yesuusiyoo boonoshi shalligoon ariiꞌi ishichiye: “Ittoshi mulloona gonde mooyon amoyich gabiyote?

Yowannisi 2:25

Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.

Yowannisi 3:8

Yongo biich kaamemmoochiye bi yongeebeeto; bi qaaroonoo waayehine; tunebaani amoochee bi waabeeto gaata, amooch bi hammiibeeto gaatoo ariyaachine. Yeerichi Ayaanoochee shiijjeto bulli ebiyoommone” iye.

Yibbaatoo 32:13

“Xoobooch keyiree showoon ittoshi hajjemmoyich tuniihe; naqqe showooch gocheti maayoon maahote. Xaqqee gogginoochee eeyon ittoshi maayemmon tuniihe; xaqqechi showooch zayitee mixo ittoshich bi collemmoyich tuniihe.

Yibbaatoo 33:29

Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.