Amootsi 4:10 - Kafa Linguistics Project

¹⁰ “Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Amootsi 4:10 ပူးပေါင်းရင်းမြစ်များ

2 Taateenaꞌo 10:32

Ebiyoobee yemeenooch Doono Yeeri Israꞌeelee showoo xebbemmon tunii beehe. Hazaheeliyoo Israꞌeelee showoo bullin kochii yechiye.

2 Taateenaꞌo 13:3

Doono Yeeri kaaro Israꞌeeleenaꞌo toommooch cufiye; ebich Sooriyee taatoo Hazaheelinaa bi bushoo Been Hadaadinochi kishooch meeti yemeenoon boonoshin beshiiꞌi immiye.

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

2 Taateenaꞌo 8:12

Hazaheeliyoo, “Ta doonocho, amoyichiye ne eeppaabeeto?” iye. Elisayiyoo, “Israꞌeeleenaꞌo toommooch ne shuunemmi gonde mooyon ta ariitoyichiye. Boonoshi mishigoon qaaqqoona michemmo neene; boonoshi gurimaasheenaꞌonoo goraadoona wuxemmo neene; boonoshi bushiisheenaꞌon ceqqe wuxemmo neene; yeqqefechi boonoshi gennoonoo gohemmo neene” iye.

Keyo 10:27

Tunebaani Doono Yeeri Farooni mulloon muumiitone. Ebich Farooni Israꞌeeleenaꞌo hammemmoyich daaggaanoone.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 8:19

Kaayechinaꞌoo Faroonich “Hini mooyo Nuggishoo shuunoone” iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 9:12

Tunebaani Doono Yeeri Farooni mulloon bi muumiitoyich, Doono Yeeri Muusich bi gettitoommon, Muusinaa Haroonina gettiton waayeyaanoone.

Keyo 9:17

And beddaahaa ne qelloon yeepphaꞌa, ta asheenaꞌon gawukkoon qajjeto neene.

Isiyaasi 34:3

Boonoshi daggoochee guureetinaꞌo maach duppemminaꞌone; boonoshi dubenee shaaꞌo hooggemmone; guudinaꞌo boonoshi damoon tahemminaꞌone.

Isiyaasi 50:11

Qaaqqoon shookkiꞌi conjiibeeti ceechoon yechitinaꞌote, ebi ittoshi shookkiti qaaqqee bekkoona ittoshi ceechiti qaaqqee conjoona, shaꞌebote. Ta kishoochee ittoshi deqqemmi mooyo beetone; qaakkeree yangeyemmo ittoshine.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 11:22

Boonoshin naxemmo taane; boonoshi gurimaasheenaꞌo goraadoona qitemminaꞌone; boonoshi anaami bushiisheenaꞌonaa maache bushiisheenaꞌona shaacoona qitemminaꞌone;

Erimiyaasi 15:3

“Aalliyechi awudde mooyinaꞌon boonoshi toommooch deejjemmo taane, iye Doono Yeeri. Eboshiyoo wuxoyich goraadoon, geechoyich kunaaneenaꞌon, mamonaa aalliyoonoyich, shimaajji kafeenaꞌonaa kubbi cooxinaꞌononiye.

Erimiyaasi 16:4

Gonde biiyoona qitemminaꞌone. Boonoshich eeppeyaachemmone; dukkeyaachemminaꞌone; showee toommooch guudoochoommon qixeyemminaꞌone; goraadoona, shaacoonoo aallemminaꞌone; boonoshi dubeno shimaajji gaceenaꞌonaa kubbi cooxinaꞌonoyich maayo tunemmone.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Erimiyaasi 48:15

Moꞌabi tiishetone; bi katemeenaꞌo kochee aalletinaꞌone; kaacceti boonoshi gurimaasheenaꞌoo guureya kinditinaꞌone” iye bi shigo Beshe Mawe Doono Yeeri getteebeeti Taatoo.

Erimiyaasi 49:26

Ebich bi gurimaasheenaꞌo bi addibaabooch dihemminaꞌone; ebiyooba bi ginee naayinaꞌo bulla aallemminaꞌone” iye Beshe Mawe Doono Yeeri.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 6:11

Ebich Doono Yeeri ippoommon ippeto taane; haaꞌii maac yeshon womiito taane. Aroochee Doono Yeeri taach ishichiye “Gommooch beeti bushiisheenaꞌo toommooch, wottoo kiceeꞌi beeti gurimaasheenaꞌo toommooch, ebi kaaroon kindiibe; kenoonaa mecheena, geenetinaꞌonaa baayetinaꞌona yeshaa hammemminaꞌone.

Erimiyaasi 9:22

Ishichishoo getote: “Doono Yeeri ishichiye: ‘Ashi dubeno, guudoochoommon gaddooch, koniyoona macaani, qeccechochi hillooch oojjiti, maayi ooyoochoommon dihemmone’ itone” getote.

Hosee'i 11:5

“Ta waan wotto boonoshi qajjitoyich Gibits wottemminaꞌone. Asooree taatoo boonoshin hajjemmone.

Yoꞌeeli 2:20

“Dambi-waanee waabeeti ginee naayinaꞌon, ittoshi waanee wokkiyemmo taane; barahoonaa shuuꞌi showoonooch yookkemmo taane. Aaf beetinaꞌon aabi-keyo waanee baharooch, gubb beetinaꞌonoo aabi-gimo waanee baharooch, daachiyemmo taane. Boonoshi dubeno shaaqqemmone; bi shaaꞌo hooggemmone. Ebiyoo geececho bi tunetoyichiye.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Amootsi 8:3

Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.

Haagi 2:17

Wooqoon, cindoonaa baderoonon deejjaꞌa aajjii ittoshi gochiti maayoon aalliihoye. Tunebaani ta waan wotteyaano ittoshine.

Yibbaatoo 28:21

Doono Yeeri giyi woraashiya ne hammaabeeti showoochee ciroona neen bi aalliimmi wottoon, kupphe biiyoona neen yexxemmone.

Yibbaatoo 28:22

Doono Yeeri shattiiti biiyoon deejji ittoshin bi yexaa, ittoshich bi immiibeeti showoochaa ittoshi bulli qiti ciiremmo ittoshine; maajjiibeeti biiyoona, gaaboonaa baribare qeddee gaamee biiyoonoo xuuxemmo ittoshine. Doono Yeeri ittoshiyee damba beeti shimaayoochee amiyon aalliitaa, ittoshiyee desh beeti showoo xuuroo wogoommon wogemmone; gaamiibeeti yongoonaa cindoonon deejji ittoshi maayoon aalliyemmone.

Yibbaatoo 28:60

Ne shattaabeeti, Gibitsee showeexi biiyo bullin wochinnoon ne toommooch bi deebaa, ebi biiyo neenna yeshemmone.

Yibbaatoo 7:15

Doono Yeeri biiyo bulliichee neen quyemmone; Gibits beechaa ne ariibeeti, shattii giiriiti biiyeenaꞌon neen shixxii beetinaꞌo toommoochani, ne toommooch deebaachemmone.