Amootsi 4:1 - Kafa Linguistics Project

¹ Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 4:1 ပူးပေါင်းရင်းမြစ်များ

1 Taateenaꞌo 16:24

Biyoo Shamaaree geppoon shichaa shimitte kiilo giraam bede birewoona Shemeer waanee kemeꞌi, xaqqee uxerechi katemoon shuunehe. Ebi bi shuuneti katemoon are geppee Doono Shemeerichi shigoona Shamaari iꞌi shigiihe.

Iyoobi 20:19

Ebiyoo girechon shiqqiiꞌi bi xuqqitoyich, bi hagaani ashi kexon boggii bi deqqitoyichiye.

Iyoobi 24:4

Girechon gommoochee xuqqii wochiyeete; showee toommeexi girechinaꞌoo aashemmoyich tuniiheete.

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 140:12

Doono Yeeri girechoyich nalliibeeto, xukketinaꞌoyichoo neexeebeeto, bi tunoon ariihoye.

Shoddo 22:12

Meeti gubbenoochoommon etto taan giichitone; Bashaanee showeexi giidechi gubbeneenaꞌochoommon ta guudoona guudditone.

Shaahiyoo 22:7

Gaannecho girechon hajjiye; eretteto erettiitoyich guunone.

Dojjecho 4:1

Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Isiyaasi 5:8

Bareenaꞌoyich beeyi xaaꞌoo aallemmi wottoon, ittoshi baach showee toommooch kotemmi wottoon, kechi toommooch kexon, showee toommoochoo showoon daakkii beetinaꞌote, ittoshich woowo!

Isiyaasi 56:12

Boonoshiyoo, “Ittoshi waataa woyinee uyoon qaawi uyone; kashi uyoonoo uyi miyone; yaachoo hanaachiyoommon tunemmone; halla beshoonoo tunemmone” iyeete.

Isiyaasi 58:6

“Ta qaawaabeeti coomoo, xuꞌoona cuchetinaꞌon ittoshi biichemmoyich, waanjeexi shachoon ittoshi kuxxemmoyich, neexaa hajjeetinaꞌon biishi ittoshi gawukkemmoyich, waanjoo bullin ittoshi tiichemmoyich toone?

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Erimiyaasi 50:27

Bi gubbeneenaꞌo bullin guuribote; guuree xaaꞌooch desh kindibeete; boonoshi naxeyemmi yemeeno, boonoshi aabo shaggitoyich boonoshich woowo!

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Erimiyaasi 6:6

Ebich Beshe Mawe Doono Yeeri ishichiye: “Bi mixinaꞌon qecce dichibote; Yerusaalemi guudoona showoon gutibote; bi maacooch beeto xuꞌo baach bi tunetoyich ebi katemee naxeya bedeene.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hiziqeeli 39:18

Bashaani showeexi awujjiti ogooge bagee baaddoonaa gishiishi bagee baaddoonochi, emmishoonaa gubbenoonochi meenon mamoommon giidechinaꞌochi meenon maayemmo ittoshine; iraasheenaꞌochi damoonoo uchemmo ittoshine.

Yoꞌeeli 3:3

Ta asheenaꞌon qoodeyoyich ixoon duppiyeete; yahechinaꞌon qemoyich, anaami bushiisheenaꞌon immiyeete; woyinee uyoon uyoyichoo maache bushiisheenaꞌon kemmiyeete.

Amootsi 3:1

Israꞌeeleenaꞌote, Gibitsee bi kichiti asho ittoshi bulli toommooch Doono Yeeri gettiibeeti mooyon waayebote:

Amootsi 3:3

Taajjeꞌi daneyaanoon, gutte asheenaꞌo tookkii hamon hakkeheete?

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Amootsi 6:6

koofoona woyinee uyoon yiifeebeeti, gaawe cinnechi shittoon huuteebeeti, tunebaani Israꞌeeleenaꞌochi aalloyich aaxxiyaani ittoshich woowo!

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Haddoo 21:33

Aroochee wotteꞌi Bashaanee showoo waan daammiibeeti gommona hammiyeete. Bashaanee taatoo Oogi bi asheenaꞌo bullina tookkii boonoshin kocha Edireyi katemooch waahe.

Yibbaatoo 24:14

“Israꞌeelee asho tuneti ne manoo tuneba ne showooch beeti katemeenaꞌoochee ikkooch koteti shiqqoo, girechonaa iritechona tuneti gichechi uroon xuqqaahine.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.