Amootsi 3:7 - Kafa Linguistics Project

⁷ Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Amootsi 3:7 ပူးပေါင်းရင်းမြစ်များ

Halloo 18:17

Hammii boonoshi beetaa, Doono Yeeri ishichiye: “Tuniiya ta iyaa beeton Abrahamich aachehota?

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

2 Taateenaꞌo 22:13

“Hamiree taach, asheenaꞌonaa Yihudee showooch beeto bullinochon, hini daneti macaafooch kooreeti mooyon Doono Yeerin echebote. Noon ciinnii beetona ebi macaafooch kooreeti qaaroyich no qaabbechinaꞌo deꞌa geton boonoshi qajjitoyich, Doono Yeerichi kaaree shiixxoo no toommooch cufitone” iye.

2 Taateenaꞌo 22:20

Ebich hini xaaꞌooch ta deebemmi gonde mooyon ne aafoona beegaanoon ne qaabbechinaꞌo waan ne xaꞌeyemmoyich tuniyemmo taane; diggoona beeree maash hammemmo neene’ itone” iyan. Boonoshiyoo ebin yechiꞌi, taatoo waan wotteheete.

2 Taateenaꞌo 6:12

Bi ginee iraasheenaꞌoochee ikkoo, “Taatoo ta doonocho, no daggoochee koniyoona toonoone. Tunebaani ne, ne gatooch beechaa ne yibbaatetonona, Israꞌeelee taatoyich gettiibeeto, Israꞌeelee showooch beeti keemechi Elisayine” iye.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Erimiyaasi 23:22

Tunebaani ta iitooch boonoshi neexeto gaata, ta asheenaꞌoyich ta qaaroon awaajjeshinaꞌone; boonoshi gonde gommonaa boonoshi gonde shuunoonoochee boonoshin wocheshinaꞌone” iye.

Hiziqeeli 29:21

“Ebi tunehooba Israꞌeelee macceenaꞌoyich qaroon colliyemmo taane; newoo boonoshich ne qaaroon oogichiree ne yibbaatemmoyich tuniyemmo taane; ebina boonoshiyoo Doono Yeeri ta tunoon ariyemminaꞌone” iye.

Daaneeli 11:2

Andoo neech ta arichiyemmo iberoone. “Bare keejje taateenaꞌo Faariisee showooch taatemminaꞌone. Awuddinnoo bareenaꞌo bulliyee beshoon gaannechon tunemmone. Gaannoochee tiyitona giidoon bi danetoyee gubb, bareenaꞌo bullin Giriikee taatee showee toommooch tiijjemmone.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.

1 Saameeli 9:15

Saaꞌooli Saameel waan waahoobee bi yiichich, Doono Yeeri Saameelich ishichiꞌi gettitone: