Amootsi 2:9 - Kafa Linguistics Project

⁹ “Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Amootsi 2:9 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

1 Kiinoo 1:14

Wotta Kanaanichi bare shiijjereenaꞌo: Yebuseenaꞌo, Amooreenaꞌo, Girigaasheenaꞌo,

Iyoobi 18:16

Biyoo, dechi bi cammo qitiibeeti, tookki bi waamo shuuqqiibeeti mixoommon, tunemmone.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Keyo 34:11

“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane.

Isiyaasi 10:33

Ebiyoche Doono, Beshe Mawe Doono Yeeri, ooge bi giidoona michi qaakkoon kuxi bajjemmone; neexoon genjeti, kaama qaalliti mixinaꞌon kuxi bayiree giishiyemmone.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Hiziqeeli 17:9

“Nuggishoo Doono Yeeri ishichiye, gete: ‘Ebi woyino diccehe? Aafi booyo cammona waaxi, bi aafoon shekiriree, nolle bi waamoo shoollemmoyich tuniyaachehe? Biin cammona waaxoyich kupphe mochoo woyee meeti asho qaawiyaachemmone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Haddoo 32:13

Doono Yeeri Israꞌeeleenaꞌo toommooch oogichiꞌi bi kaaretoyich, bi aafooch gonde mooyon shuuneti ebi shiijjeroo bulli aallemmi wottoon aabbe naton barahooch boonoshi yallyallimi beeyemmoyich tuniihe.

Yibbaatoo 1:28

Illa amoochiye no hammemmo? No wochaa daachiiti no maneenaꞌo katemeenaꞌo gaawichaa uxereetinaꞌo boonoshi tunoon, boonoshi guudoona beeti xaqqee uxeroo shimaayooch shago bi tunoon, arooch beeti asheenaꞌo noyee beshe giidechinaꞌonaa neex genjeenaꞌona boonoshi tunoonaa ebiyee beshoon wotta Anaaqee yareenaꞌon arooch boonoshi beegonon nooch getona no mullo keqqoona muujjemmoyich tuniitinaꞌone’ iyote.

Yibbaatoo 3:11

Refayeenaꞌo daggoochee echeto, Bashaanee taatoo Oogi ikkeeto baachiye. Xuuroochee shuuneeti bi qeechi neexo yiixiye hiroo, bi gidoo wotta awudde hiroone. Ebiyoo and beddaahaa Amooneenaꞌochi katemoo tuneti Raaba beetone.

Yaasi 10:12

Doono Yeeri Amooreenaꞌon Israꞌeeleenaꞌo kishooch beshiiꞌi bi immiti aabooba, Yaasi Doono Yeerich Israꞌeeleenaꞌo aafoochaa ishichiye: “Aabeene, shuuraanoon Gibeꞌooni katemee toommooch neexebe; ageneene, Ayalooni bambee toommooch neexebe” iye.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.