Amootsi 2:6 - Kafa Linguistics Project

⁶ Doono Yeeri ishichiye: “Israꞌeeleenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo cadiqe asheenaꞌon boonoshi hiishoyich, girechinaꞌonoo caammoyicha iꞌi, guuchittinooch boonoshi kemmitoyichiye.

Amootsi 2:6 ပူးပေါင်းရင်းမြစ်များ

2 Taateenaꞌo 18:11

Asooree taatoo Israꞌeeleenaꞌon Asooree showooch keccii daammiye. Boonoshinoo Halaahi katemooch, Gozaani showooch beeti Haboori aachi gashoonaa Meedee showeexi katemeenaꞌonooch kotiihe.

2 Taateenaꞌo 18:12

Ebi tuneto, boonoshi Nuggishoo Doono Yeerichi qaaroyich deꞌa geto boonoshi qajjitoyichiye; wottoo bi wogoon boonoshi happitoyich, ebiyoo bi guuno Muusichi geto bullin waayo boonoshi qajjitonaa tuniyoo boonoshi qajjitonoyichiye.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Hiziqeeli 22:13

“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane.

Yoꞌeeli 3:3

Ta asheenaꞌon qoodeyoyich ixoon duppiyeete; yahechinaꞌon qemoyich, anaami bushiisheenaꞌon immiyeete; woyinee uyoon uyoyichoo maache bushiisheenaꞌon kemmiyeete.

Yoꞌeeli 3:6

Yihudee showeexi asheenaꞌonaa Yerusaalemi asheenaꞌonon boonoshi showoochee wokkii daammiꞌi Giriikee asheenaꞌoyich kemmito ittoshine.

Zakaariyaasi 11:5

Kemetinaꞌo ebi bageenaꞌon boonoshi guuritoyich sheereyaaneenaꞌone. Bageenaꞌon kemmitinaꞌoo, ‘Gaanneto noone; Doono Yeeri galleteebe’ gettemminaꞌone. Boonoshi qiddeenaꞌoo boonoshich ariqqeyaachemminaꞌone” iye.