Amootsi 1:8 - Kafa Linguistics Project

⁸ Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Amootsi 1:8 ပူးပေါင်းရင်းမြစ်များ

2 Kiinoo 26:6

Uziyaahi hammiꞌi, Filsixeemeenaꞌona koyehe. Gaati uxeroon, Yabineehi uxeroonaa Ashidoodi uxeroonon happiye. Ashidoodi gaꞌooch beeti showoonaa Filsixeemee showoonoochoo katemeenaꞌon shuunehe.

Shoddo 81:14

kaateree boonoshi etteenaꞌon giishiiyesho taane; boonoshi etteenaꞌo toommooch ta mochoon tiijjesho taane.

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 20:1

Asooree taatoo Sarigooni wocheti ginee iraashoo, Ashidood waaꞌi Ashidoodin kochii yechiye.

Erimiyaasi 47:1

Farooni Gaazin kochii yeshaan bi beetaa, Filsixeemeenaꞌochon Doono Yeeri Erimiyaasich gettiti qaaro:

Hiziqeeli 25:16

ebich Nuggishoo Doono Yeeri ishichiye: Filsixeemeenaꞌochi toommooch ta mochoon tiijjemmo taane; Kereeteenaꞌonoo aalliyemmo taane; baharee gashooch echetinaꞌonoo aalliyemmo taane.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Amootsi 1:7

Ebich Gaazi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Abidiyi 1:18

Yaaqobichi kechi asheenaꞌo qaaqqoon, Yooseefichi kechi asheenaꞌo qaaqqee aaxxoon tunemminaꞌone. Esayichi kechi asheenaꞌo galloon tunemminaꞌone; galloon michoommon boonoshin michi aalliyemminaꞌone. Esayichi kechi asheenaꞌo daggoochee murici wodemmo daneyaachemmone” itone Doono Yeeri.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 9:5

Ashiqelooni asheenaꞌo ebin beegiree shattemminaꞌone. Gaazi asheenaꞌo ebin beegiree gaashillemminaꞌone. Eqirooni asheenaꞌoo ebiyoommon tuneree, boonoshi gibenoon kuxxemminaꞌone. Gaazi bi taatoon muccemmone. Ashiqelooniyoo ashaalli shokkoon tunemmone.

Zakaariyaasi 9:6

Baribare showee asheenaꞌo Ashidood kotemminaꞌone. Doono Yeeri ishichiye: “Filsixeemeenaꞌochi geecoon shoottemmo taane.

1 Saameeli 6:17

Filsixeemeenaꞌo boonoshi xuꞌoyich tunemmi, aachoochee gaaboon shaahiitaa shuuneeti nummoon Doono Yeerich boonoshi daachiito, ikkoon Ashidoodich, ikkoon Gaazich, ikkoon Ashiqeloonich, ikkoon Gaatinaa wotta ikkoon Eqirooninoyichiye.