Amootsi 1:6 - Kafa Linguistics Project

⁶ Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye.

Amootsi 1:6 ပူးပေါင်းရင်းမြစ်များ

2 Kiinoo 28:18

Filsixeemeenaꞌo wotta Shefeeli worebe showoonaa Negeebi barahoonooch beeti Yihudee showoon kochiyeete; Beet Shemeeshi, Ayalooninaa Gederootina getteebeeti katemeenaꞌon, wotta Sokoohinaa bi guudoona beeti gafeenaꞌonon, Timinaahinaa bi guudoona beeti gafeenaꞌonon, Gimizinaa bi guudoona beeti gafeenaꞌonon kochii yechiꞌi arooch koteheete.

Erimiyaasi 47:1

Farooni Gaazin kochii yeshaan bi beetaa, Filsixeemeenaꞌochon Doono Yeeri Erimiyaasich gettiti qaaro:

Hiziqeeli 35:5

“ ‘Ebiyoo wonnee tiijjiꞌi etto ittoshi tunetoyich, Israꞌeelee macceenaꞌon boonoshi xuuxee aabooba, ciireexi boonoshi sheeree aabooboo goraadoyich beshiiꞌi ittoshi immitoyichiye.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Yoꞌeeli 3:6

Yihudee showeexi asheenaꞌonaa Yerusaalemi asheenaꞌonon boonoshi showoochee wokkii daammiꞌi Giriikee asheenaꞌoyich kemmito ittoshine.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 1:3

Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye.

Amootsi 1:7

Ebich Gaazi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone.

Amootsi 1:9

Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.

Abidiyi 1:11

Etteenaꞌo boonoshi kelloon tiichiꞌi giyiyooba, Yerusaalemi gaannoon ixoona boonoshi qoodeehooba, ebi arooba wokkaꞌa neexeto neene; newoo boonoshi etteenaꞌoochee ikkoon tuneto neene.

Zakaariyaasi 9:5

Ashiqelooni asheenaꞌo ebin beegiree shattemminaꞌone. Gaazi asheenaꞌo ebin beegiree gaashillemminaꞌone. Eqirooni asheenaꞌoo ebiyoommon tuneree, boonoshi gibenoon kuxxemminaꞌone. Gaazi bi taatoon muccemmone. Ashiqelooniyoo ashaalli shokkoon tunemmone.

Mishiraachechinaꞌo 8:26

Ikke areddoon ikke Topphiyee asho Yeerich goyinneya Yerusaalem hammiye. Hini uro guruushoone; Topphiyee taatee Hindeekichi araaqee iraashoone. Are uro bi hammitoochee bi showooch gaarina wotteebee, keemechi Isiyaasi kooriti macaafoon shemmee beehe. Arooba Doonochi maraakoo Filipphoosin “Tiyiree deshi-waan, Yerusaalemee Gaaza daammiibeeti gommooch hambe” iye. Are gommo barahee gommone. Biyoo tiyiꞌi hammiye.

1 Saameeli 6:17

Filsixeemeenaꞌo boonoshi xuꞌoyich tunemmi, aachoochee gaaboon shaahiitaa shuuneeti nummoon Doono Yeerich boonoshi daachiito, ikkoon Ashidoodich, ikkoon Gaazich, ikkoon Ashiqeloonich, ikkoon Gaatinaa wotta ikkoon Eqirooninoyichiye.